ហួសថ្លែងការដ្ឋានមួយនេះ ចាំមើលយ៉ាងណាបន្តទៀត
- សៀមរាប
ខេត្តសៀមរាប ៖ នាថ្ងៃទី២៦ ខែមករា ឆ្នាំ២០១៩ វេលាម៉ោង១៣និង២១នាទីរសៀល ស្ថិតនៅក្នុងភូមិសាស្ត្រ ភូមិគោកក្រសាំង សង្កាត់ស្វាយដង្គំ ក្រុង-…
ខេត្តសៀមរាប ៖ នាថ្ងៃទី២៦ ខែមករា ឆ្នាំ២០១៩ វេលាម៉ោង១៣និង២១នាទីរសៀល ស្ថិតនៅក្នុងភូមិសាស្ត្រ ភូមិគោកក្រសាំង សង្កាត់ស្វាយដង្គំ ក្រុង-…
ខេត្តសៀមរាប ៖ នាថ្ងៃទី២៦ ខែមករា ឆ្នាំ២០១៩ វេលាម៉ោង១៣និង២១នាទីរសៀល ស្ថិតនៅក្នុងភូមិសាស្ត្រ ភូមិគោកក្រសាំង សង្កាត់ស្វាយដង្គំ ក្រុង- ខេត្តសៀមរាប កម្លាំងការិយាល័យនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសហការជាមួយកម្លាំងជំនាញចម្រុះមូលដ្ឋាន ។
ដោយដឹកនាំសម្របសម្រួលដោយលោក សំរិទ្ធ សុខុន ព្រះរាជអាជ្ញារង អមសាលាដំបូងខេត្តសៀមរាប បានចុះបង្ក្រាបការដ្ឋានជីកយកដីល្បាប់លក់០១កន្លែង គ្មានច្បាប់អនុញ្ញាតិដែលម្ចាស់មានឈ្មោះ លាភ ឆេងស្រូយ ភេទប្រុស អាយុ៤០ឆ្នាំ បច្ចុប្បន្នសង្កាត់ជ្រោយចង្វា រាជធានីភ្នំពេញ បានធ្វើអាជីវកម្មកាយដីលក់ គ្មានច្បាប់ក្នុងក្រុងសៀមរាប។
តាមប្រភពពីកម្លាំងជំនាញបានប្រាប់ថា ដោយមានការចង្អុលបង្ហាញពីលោកស្នងការខេត្ត និងដោយមានការដឹកនាំសម្របសម្រួលដោយលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាបបានចុះបង្ក្រាបការដ្ឋានជីកយកដីល្បាប់លក់០១កន្លែង គ្មានច្បាប់អនុញ្ញាតិ ទើបកម្លាំងយើងបានចុះកិច្ចប្រតិបត្តិការណ៍បង្ក្រាបការដ្ឋានជីកយកដីល្បាប់លក់០១ កន្លែងគ្មានច្បាប់ ព្រមទាំងនាំយកម្ចាស់ទីតាំង និងមេការទាំង២នាក់មកសាកសួរនៅការិយាល័យជំនាញ ដើម្បីឱ្យធ្វើកិច្ចសន្យាត្រឡប់ទៅផ្ទះវិញរៀងៗខ្លួន ។
ប្រភពបានបញ្ជាក់ថា សមត្ថកិច្ចយើងបានធ្វើកំណត់ហេតុជូនម្ចាស់ការដ្ឋានដូចខាងក្រោម១- ធ្វើកំណត់ហេតុបិទការដ្ឋាន ដើម្បីផ្អាកសកម្មភាពអាជីវកម្មជាបណ្តោះអាសន្ន ។ ២-ធ្វើកំណត់ហេតុដកហូតគ្រឿចក្ររក្សាទុកនៅនឹងកន្លែងការដ្ឋានចំនួន១២គ្រឿងគឺ -រថយន្តដឹកដីកង់៦ចំនួន០៩គ្រឿង រថយន្តបាញ់ទឹកស្រោចផ្លូវ០១គ្រឿង អេស្កាវ៉ាទ័រកាយដីចំនួន០២គ្រឿង និងនាំខ្លួនអ្នកគ្រប់គ្រងការដ្ឋានចំនួន០២នាក់ យកមកធ្វើការសាកសួរនៅស្នងការដ្ឋាននគរបាលខេត្ត គឺមានឈ្មោះ ស៊ឹប ផល្លី ភេទប្រុស អាយុ៣៨ឆ្នាំ ។ ឈ្មោះ លាភ កៅ ភេទប្រុសអាយុ៤៨ឆ្នាំ អ្នកទាំង២មានទីលំនៅក្នុងខេត្តសៀមរាប ។
ចំណែកម្ចាស់ការដ្ឋានឱ្យមកធ្វើកិច្ចសន្យា និងមកបំពេញបែបបទល័ក្ខខណ្ឌឱ្យបានត្រឹមត្រូវ និងយល់ព្រមធ្វើការផាកពិន័យអន្តរការណ៍ ដោយអនុលោមតាមច្បាប់ស្តីពីការគ្រប់គ្រង និងការធ្វើអាជីវកម្មធនធានរ៉ែ ។ ចំពោះអ្នកគ្រប់គ្រងការដ្ឋានទាំង០២នាក់ខាងលើ ក្រោយពីធ្វើការសាកសួររួចសមត្ថកិច្ចយើងបានធ្វើកិច្ចសន្យាណែនាំអប់រំឱ្យត្រឡប់ទៅលំនៅដ្ឋានវិញ ៕
ចែករំលែកព័តមាននេះ