ខេត្តឧត្តរមានជ័យ ៖ ក្រុមអាជ្ញាធរថៃបានធ្វើការដោះលែងអ្នកទោសខ្មែរ២នាក់ឱ្យមានសេរីភាពវិញ និងនាំមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំកាលពីវេលាម៉ោង១១ព្រឹកថ្ងៃទី២៥ មករា ២០១៩។ ហេតុការណ៍នេះកើតឡើងនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។…
ខេត្តឧត្តរមានជ័យ ៖ ក្រុមអាជ្ញាធរថៃបានធ្វើការដោះលែងអ្នកទោសខ្មែរ២នាក់ឱ្យមានសេរីភាពវិញ និងនាំមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំកាលពីវេលាម៉ោង១១ព្រឹកថ្ងៃទី២៥ មករា ២០១៩។ ហេតុការណ៍នេះកើតឡើងនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
អ្នកទោសខ្មែរទាំង២នាក់ដែលក្រុមអាជ្ញាធរថៃដោះលេងឱ្យមានសេរីភាពម្នាក់ឈ្មោះ ឃោន ខេន ភេទប្រុស អាយុ២២ឆ្នាំ និងម្នាក់ទៀតឈ្មោះសំបូ រេន ភេទប្រុស អាយុ២៥ឆ្នាំ ។ ទាំង២នាក់ រស់នៅភូមិវាលពោធិ៍ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ត្រូវក្រុមទាហានថៃចាប់ខ្លួនកាលពីថ្ងៃទី២៧ តុលា ២០១៧ កន្លងទៅ ដោយជាប់ពន្ធនាគារនៅស្រុកខាន់តាឡាក់ ខេត្តស៊ីសាកេត ពីបទឆ្លងដែនខុស់ច្បាប់កាប់ឈើគ្រញ៉ូងក្នុងទឹកដីថៃចូលតាមភូមិសាស្ត្រច្រកបុស្បូវ តំបន់ព្រំដែនខេត្តព្រះវិហា ។
មន្ត្រីដែលបម្រើការងានៅមាត់ច្រកអន្តរជាតិជាំបានឱ្យដឹងថា ក្រោយពីបានទទួលអ្នកទោសខ្មែរ២នាក់ពីក្រុមអាជ្ញាធរថៃ សមត្តកិច្ចបានធ្វើការអប់រំ និងធ្វើកិច្ចសន្យាឱ្យឈប់ឆ្លងដែនដោយខុសច្បាប់តទៅទៀត ហើយសមត្តកិច្ចក៏បានឱ្យវិលត្រឡប់ទៅលំនៅឋានវិញជួបជុំក្រុមគ្រួសារក្នុងថ្ងៃដដែលផងដែរ៕
ចែករំលែកព័តមាននេះ