ខេត្តបាត់ដំបង ៖ បុរសវ័យជាងពាក់កណ្ដាលជីវិតម្នាក់បានចង.កសម្លាប់ខ្លួន ដោយសារមានវិបត្តិគ្រួសារ កាលពីវេលាម៉ោង២និង៤២នាទីរសៀល ថ្ងៃទី២៦ មករានេះ នៅភូមិអណ្តូងនាង ឃុំតាគ្រាម ស្រុកបាណន់ ។ នេះបើតាមសេចក្ដីរាយការណ៍របស់សមត្ថកិច្ច ។
សមត្ថកិច្ចបានឲ្យដឹងថា ជនរងគ្រោះឈ្មោះ សោម ចាង អាយុ៥០ឆ្នាំ រស់នៅភូមិ-ឃុំកើតហេតុខាងលើ ។ បុរសបានចង.ក នៅក្នុងផ្ទះរបស់ខ្លួន ហើយត្រូវបានសាច់ញាតិប្រទះឃើញក៏មានការភ្ញាក់ផ្អើល និងរាយការណ៍ប្រាប់សមត្ថកិច្ចភ្លាមៗដែរ ។
បើតាមសមត្ថកិច្ចដែលបានសួរនាំក្រុមគ្រួសារថា ជនរងគ្រោះខាងលើទំនងមានវិបត្តិក្នុងគ្រួសារ ដោយសារប្រពន្ធគាត់រត់ចោល ។ ក្រោយពីបែកបាក់គ្រួសារគេតែងឃើញជនរងគ្រោះផឹកស្រារាល់ថ្ងៃ និយាយរៀបរាប់តែរឿងរ៉ាវគ្រួសារហាក់ពិបាកចិត្តក្រៃលែងលុះនៅថ្ងៃកើតហេតុ ស្រាប់តែជនរងគ្រោះធ្វើអត្តឃាតបែបនេះតែម្ដង ។
សមត្ថកិច្ចបានចុះទៅពិនិត្យសាកសព និងកន្លែងកើតហេតុភ្លាមៗដែរ ក្រោយពីទទួលបានព័ត៌មាននេះ ។ សមត្ថកិច្ចបានប្រគល់សពជនរងគ្រោះឲ្យទៅសាច់ញាតិធ្វើបុណ្យតាមប្រពៃណីក្រោយពិនិត្យ និងធ្វើកំណត់ហេតុ ៕
ចែករំលែកព័តមាននេះ