កសិករត្រូវបានគេភ័យខ្លាចនឹងទទួលរងផលប៉ះពាល់ជាងគេ ពីការសម្រេចរបស់សហភាពអឺរ៉ុប ដើម្បីយកពន្ធលើអង្ករ ដែលនាំចូលពីប្រទេសកម្ពុជា ។ ដូច្នេះហើយ បានជាក្រសួងកសិកម្មធ្វើការព្រមានជាមុនថាអ្នកទិញស្រូវទាំងអស់ មិនត្រូវធ្វើបាបកសិករនៅក្នុងស្ថានភាពនេះឡើយ ។
នៅក្នុងសេចក្តីណែនាំមួយរបស់ខ្លួននាសប្តាហ៍នេះ ក្រសួងកសិកម្មបាននិយាយថា អ្នកទិញស្រូវមិនត្រូវយកហេតុផលនៃការដាក់វិធានការការពារទីផ្សាររបស់សហគមន៍អឺរ៉ុប មកទម្លាក់ថ្លៃទិញស្រូវពីកសិករទេ ។
ក្រសួងកសិកម្ម ក៏បានលើកឡើងផងដែរ អំពីវិធានការណ៍មួយចំនួន ដើម្បីជួយដល់កសិករដូចជាវិធានការលើកកម្ពស់គុណភាពផលិតកម្ម និងធុរកិច្ចស្រូវអង្ករជាដើម។
គូរបញ្ជាក់ថា កាលពីឆ្នាំ២០១៧-២០១៨ កម្ពុជាបាននាំអង្ករចេញទៅអឺរ៉ុបចំនួន២៦៩ពាន់តោន ។ បន្ទាប់ពីការសម្រេចចិត្តរបស់អឺរ៉ុប ចិនបានសន្យាទិញអង្ករពីកម្ពុជាចំនួន៤សែនតោនក្នុងមួយឆ្នាំ ។
ចែករំលែកព័តមាននេះ