ខេត្តប៉ៃលិន ៖ សេចក្តីរាយការណ៍ឱ្យដឹងថា ករណីម៉ូតូកង់បី(ឥណ្ឌា)មួយគ្រឿង ក្រឡាប់ចាក់មនុស្សចោលលើផ្លូវ៣នាក់ ក្នុងនោះអ្នកបើកម្នាក់ កើតឡើងកាលពីវេលាម៉ោង២ និង៣០នាទីរសៀលថ្ងៃទី២៥ មករា ស្ថិតនៅចំណុចផ្លូវជាតិលេខ៥៧ ក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ក្នុងហេតុការណ៍នេះត្រូវគេដឹងថា បង្កឡើងដោយអ្នកបើកម៉ូតូនេះតែម្តង ដែលចេះស្ទើរភ្លើងពេកក្នុងពេលរេចង្កូតកាច់ពេញទំហឹង ។
សេចក្តីរាយការណ៍ឱ្យដឹងថា អ្នកបើកខាងលើឈ្មោះ អន វណ្ណរិទ្ធី ភេទប្រុស អាយុ៣០ឆ្នាំ រងរបួសចំដើមទ្រូង ។ ដោយឡែក ជនរងគ្រោះម្នាក់ឈ្មោះ កែវ សុម៉ាលី ភេទស្រី អាយុ៦១ឆ្នាំ រងរបួសធ្ងន់ និងម្នាក់ទៀតឈ្មោះកែវ វ៉ាន់ដារ៉ា សុផាវង្យ ភេទប្រុស អាយុ៦ឆ្នាំ រងរបួសស្រាល ទាំងបីនាក់ មានទីលំនៅក្នុងភូមិអូរស្ងួត សង្កាត់បរយ៉ាខា ក្រុងប៉ៃលិន ខេត្តប៉ៃលិន ។
ប្រភពបន្តថា មុនពេលកើតហេតុ គេឃើញអ្នកបើកម៉ូតូរ៉ឺម៉កកង់បីឥណ្ឌា ធ្វើដំណើរក្នុងទិសដៅពីលិច ទៅកើត បម្រុងត្រឡប់ទៅផ្ទះវិញ ។ បើកបរសុខៗស្រាប់តែរេចង្កូត ទៅខាងស្តាំដៃជ្រុលធ្លាក់ប្រឡាយអត់មានទឹកក្រឡាប់មួយកន្លែង ។
ចែករំលែកព័តមាននេះ