មុនរៀបការប៉ុន្មានថ្ងៃខាងប្រុសរត់មកសុំបែកគ្នា ដោយសារតែនាង…
អូស្ត្រាលី ៖ តាមប្រភពព័ត៌មាន Metro បានឱ្យដឹងថា អនាគតកូនក្រមុំត្រូវបានខាងប្រុសសុំបែក ក្រោយពីឡើងទម្ងន់ និងមានដុំសាច់នៅក្នុងខួរក្បាល ដែលព្យាបាលមិនជា។ Emily…
អូស្ត្រាលី ៖ តាមប្រភពព័ត៌មាន Metro បានឱ្យដឹងថា អនាគតកូនក្រមុំត្រូវបានខាងប្រុសសុំបែក ក្រោយពីឡើងទម្ងន់ និងមានដុំសាច់នៅក្នុងខួរក្បាល ដែលព្យាបាលមិនជា។
Emily Nicholson អាយុ២៤ឆ្នាំ ដែលធ្លាប់ជាអ្នកគ្រប់គ្រងក្លិប មុនពេលដឹងខ្លួនថា មានដុំសាច់នៅក្នុងខួរក្បាល កាលពីខែកុម្ភៈ ឆ្នាំ២០១៦។ ពេលនោះ មិត្តប្រុសរបស់នាង ឈ្មោះ Jamie Smith អាយុ២៤ឆ្នាំដូចគ្នា បានសម្រេចចិត្តរៀបការជាមួយនាង ក្រោយពីដឹងថា នាងមានជំងឺព្យាបាលមិនជា។ នេះពិតជាមិត្តប្រុសស្មោះមែនទែន! តែចុងក្រោយបែរជាសុំបែកនៅមុនថ្ងៃរៀបការប៉ុន្មានថ្ងៃ ដោយសារតែនាងឡើងទម្ងន់ទៅវិញ។
ការឡើងទម្ងន់នេះ គឺដោយសារតែផលប៉ះពាល់របស់ថ្នាំប្រភេទស្តេរ៉ូអ៊ីត ដែលប្រើសម្រាប់ទប់ជាមួយនឹងជំងឺ។ នាងបានឡើងទម្ងន់ដល់ទៅ៣៨គីឡូក្រាម ក្នុងរយៈពេលត្រឹមតែ៦សប្តាហ៍។
នាពេលនេះ នាងកំពុងតែទទួលការព្យាបាលនៅមន្ទីរពេទ្យ បើទោះបីជាដឹងថា មើលមិនជាក៏ដោយ។ គ្រូពេទ្យក៏មិនដឹងថា នាងនៅសល់ពេលប៉ុន្មានទៀតដើម្បីរស់នោះទេ។ នាងបាននិយាយអំពីបទពិសោធន៍ស្នេហាដ៏ជូរចត់របស់នាងថា៖ «វាពិតជាមិនល្អសោះឡើយ។ គាត់បានបង្ហាញខ្ញុំយ៉ាងច្បាស់ថា គាត់មិនស្រលាញ់ខ្ញុំទេ។ គាត់គ្រាន់តែស្រលាញ់រូបរាងខាងក្រៅរបស់ខ្ញុំប៉ុណ្ណោះ»។
Emily បានបន្តថា៖ «ពេលនេះ ខ្ញុំមិនមានអារម្មណ៍អ្វីពីគាត់ទៀតទេ។ គាត់ធ្វើឱ្យខ្ញុំឈឺចាប់ ហើយខ្ញុំក៏មិនត្រូវឈឺអីមកដល់បច្ចុប្បន្នដែរ។ ខ្ញុំគឺត្រូវតែរឹងមាំ»។
ដោយសារតែការព្យាបាលត្រូវទាមទារអស់លុយច្រើន គ្រួសាររបស់នាងបានបង្ហោះសុំជំនួយពីមហាជនតាមអនឡាញ។ នេះក៏ដោយសារតែថ្នាំចាក់ម្យ៉ាងមកពីអាល្លឺម៉ង់ តម្លៃជិត៤ម៉ឺនដុល្លារក្នុងមួយម្ជុល៕
ចែករំលែកព័តមាននេះ