រាជធានីភ្នំពេញ ៖ យោងតាមសេចក្តីជូនដំណឹងបន្ថែមស្តីពីការចុះត្រជាក់លើកទី២របស់ក្រសួងធនធានទឹក និងឧតុនិយមថ្ងៃទី២៣ មករាបានឱ្យដឹងថា ជ្រលងសម្ពាធខ្ពស់បានបង្កើនឥទ្ធិពលមកលើព្រះរាជាណាចក្រកម្ពុជា ។
លក្ខណៈបែបនេះនឹងបង្កឱ្យធាតុអាកាសនៅព្រះរាជាណាចក្រកម្ពុជាចុះត្រជាក់ជាថ្មីម្តងទៀត (លើកទី២)ចាប់ពីថ្ងៃទី២៤-២៨ មករា ២០១៩ ក្នុងនោះមាន៖តំបន់ជួរភ្នំ និងតំបន់ខ្ពង់រាប ពិសេសជួរភ្នំដងរែក ខេត្តព្រះវិហារ រតនគិរី និងខេត្តមណ្ឌលគិរី សីតុណ្ហភាពអប្បបរិមានឹងធ្លាក់ចុះមកនៅក្នុងរង្វង់១៧oC ។បណ្តារាជធានី-ខេត្តដទៃទៀត សីតុណ្ហភាពអប្បរមានឹងធ្លាក់ចុះមកនៅក្នុងរង្វង់២០-២២oC លើកលែងតែបណ្តាខេត្តនៅតំបន់មាត់សមុទ្រ ដែលធាតុអាកាសមិនចុះត្រជាក់ទេ ។
អាស្រ័យដូចបានជម្រាបជូនខាងលើ សូមប្រជាពលរដ្ឋ ជាពិសេសវីរកងទ័ពដែលឈរជើងនៅតំបន់ជួរភ្នំដងរែក និងនៅខ្ពង់រាបភាគឦសានប្រុងប្រយ័ត្នចំពោះអាកាសធាតុដែលចុះត្រជាក់នេះ ៕
ចែករំលែកព័តមាននេះ