ស្វ៊ីស ៖ សារព័ត៌មាន Japan Times បានរាយការណ៍កាលពីថ្ងៃពុធកន្លងមកថា នៅកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោកក្នុងប្រទេសស្វ៊ីស លោកនាយករដ្ឋមន្ត្រី Shinzo Abe…
ស្វ៊ីស ៖ សារព័ត៌មាន Japan Times បានរាយការណ៍កាលពីថ្ងៃពុធកន្លងមកថា នៅកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោកក្នុងប្រទេសស្វ៊ីស លោកនាយករដ្ឋមន្ត្រី Shinzo Abe របស់ប្រទេសជប៉ុនបាន លើកឡើងពីការប្តេជ្ញារបស់ប្រទេសជប៉ុនក្នុងការលើកតម្កើងការធ្វើពាណិជ្ជកម្មដែលសេរី បើកទូលាយ និងស្របតាមច្បាប់អន្តរជាតិ ។
លោកនាយករដ្ឋមន្ត្រីរូបនេះបាននិយាយពីគោលនយោបាយពាណិជ្ជកម្មរបស់លោក និងយុទ្ធសាស្ត្រលូតលាស់មួយចំនួនដែលលោកបានផ្តួចផ្តើមឡើងតាំងពីឡើងកាន់ដំណែងជាលើកទីពីរនៅឆ្នាំ ២០១២ មក ដូចជាការខិតខំប្រឹងប្រែងក្នុងការជំរុញឲ្យស្ត្រីចូលរូមក្នុងការអភិវឌ្ឍន៍សេដ្ឋកិច្ច ការស្នើដល់ក្រុមហ៊ុនឲ្យបង្កើនប្រាក់បៀវត្សន៍បុគ្គលិក និងការចេញច្បាប់ដែលបើកផ្លូវសម្រាប់ពលករបរទេសប្រមាណ ៣៤០,០០០នាក់ឲ្យចូលប្រទេសជាដើម ។
សំណើររបស់លោកនាយករដ្ឋមន្ត្រី Abe ឲ្យជឿជាក់លើការធ្វើពាណិជ្ជកម្មសេរីស្របទៅនឹងកង្វល់ពីជម្លោះពាណិជ្ជកម្មរវាងសហរដ្ឋអាមេរិក និងប្រទេសចិន ការចាកចេញរបស់អង់គ្លេសពីសហភាពអ៊ឺរ៉ុប និងកំណើនគោលនយោបាយប្រជានិយមជុំវិញពិភពលោក ។
ជាមួយគ្នានេះផងដែរ លោកបាននិយាយថាលោកនឹងដឹកនាំការពិភាក្សាពីបញ្ហាជាច្រើនដូចជាការបម្រែបម្រួលអាកាសធាតុ និងអភិបាលកិច្ចទិន្នន័យឌីជីថលដោយប្រើប្រាស់ក្របខណ្ឌរបស់អង្គការពាណិជ្ជកម្មពិភពលោកជាដើម ។
លោកបានបញ្ជាក់ពីសារៈសំខាន់នៃលំហូរសេរីនៃទិន្នន័យសុខាភិបាល ឧស្សាហកម្ម ចរាចរណ៍ និងទិន្នន័យសំខាន់ៗទៀតខណៈដែលការពារព័ត៌មានផ្ទាល់ខ្លួន និងព័ត៌មានដែលទាក់ទិននឹងសន្តិសុខផ្សេងៗ ។
លោកបានបន្តថា «ក្បាលម៉ាស៊ីនសម្រាប់ការលូតលាស់មិនមែនដំណើរការដោយប្រេងឥន្ធនៈទៀតទេប៉ុន្តែដោយព័ត៌មានដែលពាក់ព័ន្ធនឹងសន្តិសុខវិញ»៕
ចែករំលែកព័តមាននេះ