ស្មាតហ្វូនអាចដំណើរការបានកាន់តែយឺតប្រសិនបើអ្នកប្រើកម្មវិធី Software ច្រើន ឬមានឯកសារក្នុងកម្មវិធីច្រើន ប៉ុន្តែអ្នកអាចធ្វើឲ្យវាដំណើរការបានលឿនជាងមុនប្រសិនបើអ្នកធ្វើតាមវិធីសាស្ត្រខាងក្រោម ៖ ១. Update កម្មវិធី Software…
ស្មាតហ្វូនអាចដំណើរការបានកាន់តែយឺតប្រសិនបើអ្នកប្រើកម្មវិធី Software ច្រើន ឬមានឯកសារក្នុងកម្មវិធីច្រើន ប៉ុន្តែអ្នកអាចធ្វើឲ្យវាដំណើរការបានលឿនជាងមុនប្រសិនបើអ្នកធ្វើតាមវិធីសាស្ត្រខាងក្រោម ៖
១. Update កម្មវិធី Software របស់អ្នក
ការ Update ប្រព័ន្ធដំណើរការ Android ឬ iOS របស់អ្នកដល់ Version ចុងក្រោយគេអាចជួយឲ្យស្មាតហ្វូនរបស់អ្នកអូសកម្មវិធី និងហ្គេមថ្មីៗបាន ។ លើសពីនេះទៅទៀត ការ Update ផ្នែកសន្តិសុខតែងតែភ្ជាប់មកជាមួយដែលអ្នកប្រើប្រាស់អាចលុបបំបាត់បញ្ហាផ្សេងៗលើទូរស័ព្ទរបស់ពួកគេបាន ។
២. Update កម្មវិធីដែលមានលើទូរស័ព្ទ
ការប្រើកម្មវិធីទូរស័ព្ទក្នុង Version ថ្មីជាងគេអាចបង្កើនល្បឿនដំណើរការរបស់ទូរស័ព្ទរបស់អ្នកបានព្រោះការ Update ទាំងនេះតែងតែត្រូវបានបង្កើតឡើងដើម្បីដោះស្រាយបញ្ហា ឬបន្ថែមចំណុចពិសេសៗថ្មីៗ ។
ការ Update នេះពិតជាសំខាន់ណាស់ជាពិសេសសម្រាប់អ្នកប្រើប្រាស់ទូរស័ព្ទ Android ព្រោះកម្មវិធី Android តែងតែត្រូវតែអាចដំណើរការបានលើទូរស័ព្ទរបស់ក្រុមហ៊ុនខុសៗគ្នា និងមានទំហំខុសៗគ្នាជាដើម ដូច្នេះវាអាចនឹងមានបញ្ហាច្រើនផងដែរពេលដែលអ្នកប្រើ ។
៣. បិទការ Auto-Update
បើទោះជាការ Update កម្មវិធីក្នុងទូរស័ព្ទមានសារៈសំខាន់ច្រើនពិតមែន ទូរស័ព្ទរបស់អ្នកក៏មិនមានកន្លែងផ្ទុក ឬថាមពលគ្រប់គ្រាន់ក្នុងការ Update គ្រប់ពេលទេ ហើយអ្នកគួរតែធ្វើការ Update ដោយខ្លួនឯងពេលដែលគិតថាសាកសម ។
៤. លុប Cache ក្នុង Browser របស់អ្នក
ទូរស័ព្ទរបស់អ្នកនឹងផ្ទុកឯកសារ និងរូបភាពចាស់ៗក្នុងកម្មវិធីលើទូរស័ព្ទ ហើយវានឹងទំហំយ៉ាងធំប្រសិនបើអ្នកមិនលុបវាចោលក្នុងរយៈពេលពី១ទៅ២ឆ្នាំម្តង ព្រោះរាល់ពេលដែលអ្នកប្រើ Browser ដើម្បីស្វែងរកពត៌មានអ្វីមួយ ទូរស័ព្ទរបស់អ្នកនឹងរក្សារូបភាពរបស់វា និងទិន្នន័យផ្សេងៗទាំងដែលអ្នកមិនដឹង ។
៥. លុបកម្មវិធីដែលមិនចាំបាច់
កម្មវិធីទូរស័ព្ទដែលអ្នកមិនប្រើប្រាស់ក្នុងរយៈពេលប៉ុន្មានសប្តាហ៍ថ្មីៗមកនេះគួរតែត្រូវបានលុបចោលប្រសិនបើអ្នកប្រើទូរស័ព្ទដែលចាស់ខ្លាំង ព្រោះវាប្រើមេម៉ូរីដែលអាចធ្វើឲ្យទូរស័ព្ទរបស់អ្នកដំណើរការយឺតជាងមុន ៕
ចែករំលែកព័តមាននេះ