ទីបំផុត Neymar លាតត្រដាងខ្ទេចពីទំនាក់ទំនងស៊ីជម្រៅខ្លួន និងគ្រូបង្វឹក PSG
តាមប្រភពព័ត៌មាន Soccer Laduma បានឱ្យដឹងថា កីឡាករប្រេស៊ីល Neymar Jr បានបង្ហើបពីមូលហេតុដែលធ្វើឱ្យទំនាក់ទំនងរបស់គេជាមួយនឹងគ្រូបង្វឹក PSG លោក…
តាមប្រភពព័ត៌មាន Soccer Laduma បានឱ្យដឹងថា កីឡាករប្រេស៊ីល Neymar Jr បានបង្ហើបពីមូលហេតុដែលធ្វើឱ្យទំនាក់ទំនងរបស់គេជាមួយនឹងគ្រូបង្វឹក PSG លោក…
តាមប្រភពព័ត៌មាន Soccer Laduma បានឱ្យដឹងថា កីឡាករប្រេស៊ីល Neymar Jr បានបង្ហើបពីមូលហេតុដែលធ្វើឱ្យទំនាក់ទំនងរបស់គេជាមួយនឹងគ្រូបង្វឹក PSG លោក Thomas Tuchel មានលក្ខណៈពិសេស ។
មានការលើកឡើងជាច្រើននាពេលកន្លងមកថា Neymar មិនពេញចិត្តនឹងនៅលេងឱ្យ PSG ហើយចង់មកចូលក្លិប Barcelona វិញ ឬក៏ទៅ Real Madrid ។ ប៉ុន្តែនៅក្រោយការប្រកួតឈ្នះ Guingamp ជាមួយនឹងលទ្ធផល 9-0 Neymar បានសរសើរគ្រូបង្វឹករបស់ខ្លួនដែលអាចជាតម្រុយថា តារាឆ្នើមរូបនេះនឹងមិនទៅណាចោល PSG ក្នុងពេលខាងមុខនេះទេ ។
Neymar បានប្រាប់ Canal+ ថា ៖«ពួកយើងមានកីឡាករពេញដោយគុណភាពដែលអាចឱ្យយើងរំពឹងខ្ពស់បាន ។ វាគឺជាមិត្តភាពតែវាក៏ជាការគោរពគ្នាទៅវិញទៅមកដែរ ។ ខ្ញុំគោរពលោកជាគ្រូបង្វឹករបស់ខ្ញុំតែនៅពេលយើងចង់និយាយគ្នា យើងអាចនិយាយបានពីក្នុងចិត្ត ។ ខ្ញុំបានចាប់អារម្មណ៍គាត់តាំងពីយើងនិយាយគ្រាដំបូង»។
កីឡាករជើងខ្លាំងរូបនេះក៏បានបន្តថា ៖«នៅពេលយើងមានទំនាក់ទំនងល្អជាមួយគ្រូបង្វឹក យើងនឹងខំប្រឹងយ៉ាងណាមិនឱ្យគាត់អស់សង្ឃឹមឡើយ»។
ជាមួយគ្នានេះដែរ Neymar ក៏បានបង្ហើបថា រូបគេនាពេលនេះមានអារម្មណ៍ថា PSG គឺជាផ្ទះរបស់ខ្លួនហើយ ដោយសារតែបែបនេះហើយទើបពាក្យចចាមអារាមថា Neymar ចង់ចេញពីក្លិបអាចជារឿងមិនអាចទៅរួច ៕
ចែករំលែកព័តមាននេះ