តើអ្នកមានដឹងទេថា ថ្នាំប៉ារ៉ាសេតាមុលគឺជាអ្វី?
ថ្នាំប៉ារ៉ាសេតាមុល (អាសេតាមីណូហ្វេន) គឺជាថ្នាំបំបាត់ការឈឺចាប់ និងបញ្ចុះកម្តៅ ដែលជាទូទៅត្រូវបានប្រើប្រាស់ដើម្បីព្យាបាលបញ្ហាដូចជាឈឺក្បាល ឈឺសាច់ដុំ ឈឺខ្នងចង្កេះ ឈឺធ្មេញ ផ្តាសាយ និងគ្រុនក្ដៅចំពោះមនុស្សគ្រប់វ័យ។
តើថ្នាំប៉ារ៉ាសេតាមុលធ្វើសកម្មភាពយ៉ាងដូចម្តេច?
អ្វីដែលអ្នកគួរតែដឹងមុនពេលប្រើថ្នាំប៉ារ៉ាសេតាមុល!
១- ថ្នាំប៉ារ៉ាសេតាមុលមានជាច្រើនទម្រង់ និងច្រើនម៉ាកដែលអាចរកបាននៅតាមឱសថស្ថាននានា។ ទម្រង់ជាក់លាក់មួយចំនួនអាចប្រើបានសម្រាប់តែក្រុមអ្នកជំងឺមួយចំនួនប៉ុណ្ណោះ។ ឧទាហរណ៍ ៖ ទម្រង់ស៊ីរ៉ូ និងទម្រង់ស៊ុលតាមគូទត្រូវបានប្រើសម្រាប់កុមារតូចៗ ខណៈពេលដែលថ្នាំគ្រាប់ត្រូវបានប្រើជាទូទៅសម្រាប់មនុស្សវ័យ-ជំទង់ និងមនុស្សពេញវ័យ។
២- ចូរកុំប្រើថ្នាំប៉ារ៉ាសេតាមុលលើសពីកម្រិតដែលត្រូវបានណែនាំដោយគ្រូពេទ្យរបស់អ្នក។ ការប្រើថ្នាំប៉ារ៉ាសេតាមុលលើសកម្រិតអាចបង្កឱ្យមានផលវិបាកធ្ងន់ធ្ងរ ជាពិសេសធ្វើឱ្យខ្សោយមុខងារថ្លើម។
៣ – ប្រសិនបើអ្នកទទួលទានគ្រឿងស្រវឹងប្រចាំថ្ងៃ ឬញឹកញាប់ សូមបន្ថយបរិមាណថ្នាំប៉ារ៉ាសេតាមុលដែលអ្នកប្រើ ហើយត្រូវចាំថា ត្រូវសួរគ្រូពេទ្យ ឬឱសថការីរបស់អ្នកមុនពេលប្រើថ្នាំប៉ារ៉ាសេតាមុល។
តើកម្រិតប៉ារ៉ាសេតាមុលប៉ុន្មានដែលខ្ញុំគួរប្រើ?
កម្រិត ប៉ារ៉ាសេតាមុល ដែលគួរប្រើក្នុងការបន្ថយការឈឺចាប់ និងបញ្ចុះកម្តៅ គឺ ៣២៥ ទៅ ៦៥០ មីលីក្រាមរាល់ ៤ ទៅ ៦ ម៉ោង ម្តង ។ កម្រិតប្រើរបស់ប៉ារ៉ាសេតាមុលចំពោះកុមារគឺ ១៥ មីលីក្រាម ក្នុងមួយគីឡូក្រាមនៃទម្ងន់ខ្លួនរបស់ពួកគេ។ ប្រសិនបើពួកគេមានទំងន់ ២០ គីឡូក្រាម កម្រិតអតិបរិមាដែលគួរប្រើ គឺ ៣០០ មីលីក្រាម ម្តង។
កម្រិតប្រើជាអតិបរិមារបស់ថ្នាំប៉ារ៉ាសេតាមុល ចំពោះមនុស្សពេញវ័យ គឺ ៤០០០ មីលីក្រាម ក្នុងមួយថ្ងៃ។ ប្រសិនបើអ្នកទទួលទានគ្រឿងស្រវឹងរាល់ថ្ងៃ ឬញឹកញាប់ អ្នកមិនគួរប្រើថ្នាំប៉ារ៉ាសេតាមុលលើសពី ២០០០ មីលីក្រាមក្នុងមួយថ្ងៃនោះទេ។ សូមប្រើទម្រង់ថ្នាំប៉ារ៉ាសេតាមុលក្នុងទម្រង់ស៊ីរ៉ូ ឬ ទម្រង់ស៊ុលតាមគូទចំពោះកុមារ។
បញ្ឈប់ការប្រើថ្នាំប៉ារ៉ាសេតាមុល និងទៅជួបពិគ្រោះយោបល់ជាមួយគ្រូពេទ្យប្រសិនបើ ៖
១-កម្តៅខ្លួនមិនធ្លាក់ចុះ បន្ទាប់ពីប្រើរយៈពេល ៣ ថ្ងៃ
២-ការឈឺចាប់មិនធូរស្រាលបន្ទាប់ពីប្រើរយៈពេល ៧ ថ្ងៃ (៥ ថ្ងៃសម្រាប់កុមារ)
៣-អាការឈឺក្បាលនៅតែបន្តកើតមាន ស្បែកឡើងក្រហម ឬហើម
៤-រោគសញ្ញាកាន់តែធ្ងន់ធ្ងរឡើងៗ ឬ កើតមានរោគសញ្ញាថ្មីៗ។
តើខ្ញុំគួរធ្វើយ៉ាងណានៅពេលដែលប្រើថ្នាំប៉ារ៉ាសេតាមុលលើសកម្រិត?
អ្នកគួរតែស្វែងរកការព្យាបាលភ្លាមៗ ប្រសិនបើអ្នកប្រើថ្នាំប៉ារ៉ាសេតាមុលលើសកម្រិត។ សញ្ញានៃការប្រើថ្នាំប៉ារ៉ាសេតាមុលលើសកម្រិតរួមមាន ការបាត់ចំណង់អាហារ ចង្អោរ ឈឺក្រពះ បែកញើស អារម្មណ៍ច្របូកច្របល់ និងភាពអស់កម្លាំងល្ហិតល្ហៃ។ រោគសញ្ញានៃការប្រើប្រាស់ថ្នាំប៉ារ៉ាសេតាមុលលើសកម្រិតដំណាក់កាលចុងក្រោយមានដូចជា ទឹកនោមឡើងល្អក់ ស្បែកឡើងលឿង និងភ្នែកឡើងស។
សម្រាប់ព័ត៌មានបន្ថែមអំពីការប្រើថ្នាំប៉ារ៉ាសេតាមុល សូមចូល និងតាមដានទំព័រហ្វេសប៊ុករបស់យើងនៅទីនេះ ៕ ដោយសហការ
ចែករំលែកព័តមាននេះ