ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា ទីតាំងផលិតស្ករត្នោតក្លែងក្លាយដុះស្លែមួយកន្លែងត្រូវបានលោកវរសេនីយ៍ទោ រស់ អៀម នាយរងប្រឆាំងបទល្មើសស្នងការដ្ឋាននគរបាលខេត្តបន្ទាយមានជ័យសហការជាមួយសមត្ថកិច្ចជំនាញពាក់ព័ន្ធនៅក្រុងប៉ោយប៉ែត ដឹកនាំដោយលោកតេង សាម៉ៃ ព្រះរាជអាជ្ញារងនៃសាលាដំបូងខេត្ត…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា ទីតាំងផលិតស្ករត្នោតក្លែងក្លាយដុះស្លែមួយកន្លែងត្រូវបានលោកវរសេនីយ៍ទោ រស់ អៀម នាយរងប្រឆាំងបទល្មើសស្នងការដ្ឋាននគរបាលខេត្តបន្ទាយមានជ័យសហការជាមួយសមត្ថកិច្ចជំនាញពាក់ព័ន្ធនៅក្រុងប៉ោយប៉ែត ដឹកនាំដោយលោកតេង សាម៉ៃ ព្រះរាជអាជ្ញារងនៃសាលាដំបូងខេត្ត និងលោកឧត្តមសេនីយ៍ត្រី ចាប សុផារឹទ្ធ ស្នងការរងទទួលផែនប្រឆាំងបទល្មើសនៃស្នងការដ្ឋាននគរបាលខេត្ត បានធ្វើការឃ្លាំមើលទីតាំងមួយនេះអស់រយៈពេលមួយយប់មកហើយ លុះព្រឹកឡើងថ្ងៃទី២៣ មករា ២០១៩ ក៏ឆ្មក់ចូលបង្ក្រាបតែម្តង ។
ទីតាំងសង្ស័យខាងលើស្ថិតនៅភូមិចាន់គិរី សង្កាត់ប៉ោយប៉ែត ក្រុងប៉ោយប៉ែត។
ម្ចាស់ទីតាំងឈ្មោះផៃ សំណាង ភេទប្រុស អាយុ២៦ឆ្នាំ និងប្រពន្ធឈ្មោះសុខ ម៉ី អាយុ២៥ឆ្នាំ ហើយពេលនេះសមត្ថកិច្ចជំនាញកំពុងសាកសួរ និងត្រួតពិនិត្យ ។
អ្នកស្រុកបង្ហើបថា ទីតាំងលួចផលិតស្ករត្នោតក្លែងក្លាយនេះកើតមានជិត១០ឆ្នាំមកហើយ ទើបបែកធ្លាយនាពេលនេះ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ