សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២១ ខែមករាឆ្នាំ២០១៩ បានអនុញ្ញាតឲ្យក្រុមហ៊ុនវិនិយោគធំៗចំនួនបីរបស់សាធារណរដ្ឋប្រជាមានិតចិនចូលជួបរាយការណ៍ពីសកម្មភាពការងារមួយចំនួនដែលក្រុមហ៊ុនទាំងនោះបណ្ដាក់ទុនវិនិយោគនៅក្នុងព្រះរាជាណាចក្រកម្ពុជា ។
ក្រុមហ៊ុនទី១ គឺក្រុមហ៊ុនសាជីវកម្មស្ពាន និងថ្នល់ ។ កន្លងមកក្រុមហ៊ុនសាជីវកម្មស្ពាន និងថ្នល់នេះបានរួមចំណែកសាងសង់ផ្លូវ និងស្ពានជាច្រើនក្នុងប្រទេសកម្ពុជា ហើយសម្រាប់ពេលខាងមុខក្រុមហ៊ុននឹងសាងសង់ផ្លូវល្បឿនលឿនពី Phnom Penh ទៅកាន់ខេត្តព្រះសីហនុដែលគ្រោងនឹងបើកការដ្ឋានសាងសង់ក្នុងពេលដ៏ខ្លីខាងមុខ ។
ជាមួយគ្នានេះក្រុមហ៊ុនក៏មានគម្រោងសាងសង់ផ្លូវល្បឿនលឿនពី Phnom Penh ទៅកាន់ព្រំដែនកម្ពុជាវៀតណាមបាវិតការស្ថាបនាផ្លូវលេខ15- 51 ដែលតភ្ជាប់ខេត្តកោះកុង ពោធិ៍សាត់និងខេត្តបាត់ដំបង ។
នៅក្នុងជំនួបនោះសម្ដេចតេជោនាយករដ្ឋមន្ត្រីបានណែនាំឲ្យក្រុមហ៊ុនបើកការដ្ឋានសាងសង់ឲ្យបានឆាប់នូវគំរោងផ្លូវល្បឿនលឿនភ្នំពេញទៅខេត្តព្រះសីហនុដែលយើងបានធ្វើការដោះស្រាយរួចរាល់មកហើយនោះ ។
ពាក់ព័ន្ធផ្លូវដែលត្រូវតភ្ជាប់ចេញពីរាជធានីភ្នំពេញភ្ជាប់ជាមួយនឹងផ្លូវល្បឿនលឿន គឺយើងសិក្សាជាបន្ទាន់ ដើម្បីសាងសង់ភ្ជាប់ ។ ដោយឡែកផ្លូវល្បឿនលឿនភ្នំពេញបាវិតសម្ដេចតេជោបានបន្តថា ក្រុមហ៊ុនត្រូវតែសិក្សា និងជជែកគ្នាបន្ថែមជាមួយនឹងស្ថាប័នពាក់ព័ន្ធដោយសារមានក្រុមហ៊ុនជាច្រើនក៏បានធ្វើការសិក្សារួចមកហើយដែរនោះ ។
ដោយឡែកក្រុមហ៊ុនទី២ គឺក្រុមហ៊ុនវិស្វកម្ម និងដែកថែបចិនក៏បានរាយការណ៍ជូនសម្តេចតេជោនាយករដ្ឋមន្ត្រីពាក់ព័ន្ធទៅនឹងគម្រោងដែលក្រុមហ៊ុនរបស់លោកកំពុងអនុវត្តនៅក្នុងប្រទេសកម្ពុជា ពិសេសទាក់ទិនទៅនឹងការផលិតវារីអគ្គិសនីដើរដោយធ្យូងថ្ម រួមទាំងការចាប់អារម្មណ៍ពីសំណាក់ក្រុមហ៊ុនលោកពាក់ព័ន្ធទៅនឹងគម្រោងសាងសង់ហេថា រចនាសម្ព័ន្ធក្នុងប្រទេសកម្ពុជាដោយឈរលើនយោបាយបើកចំហរបស់សម្ដេចតេជោ និងរាជរដ្ឋាភិបាលកម្ពុជាដែលស្វាគមន៍អ្នកវិនិយោគបរទេសទាំងអស់ក្នុងការបណ្ដាក់ទុនកសាង និងអភិវឌ្ឍន៍ប្រទេសកម្ពុជា ។
ក្រុមហ៊ុនវិស្វកម្ម និងដែកថែបចិននេះបានរាយការណ៍ក្រុមហ៊ុនក៏មានគម្រោងសាងសង់ខ្សែកាបអុបទិកក្រោមបាតសមុទ្រពីភ្នំពេញទៅក្រុងហុងកុង ដើម្បីប្រព័ន្ធ internet របស់កម្ពុជាកាន់តែមានល្បឿនលឿនជាងមុន។ ជាមួយគ្នានេះថ្នាក់ដឹកនាំក្រុមហ៊ុនទី៣ ជាក្រុមហ៊ុនវិនិយោគវារីអគ្គិសនីសេសានក្រោម២ហូណេងគ្រុប ។
លោកស៊ូ យីនពាវ ប្រធានក្រុមប្រឹក្សាភិបាលថ្មីក្រុមហ៊ុនវិនិយោគវារីអគ្គិសនីសេសានក្រោម២បានជម្រាបសម្ដេចតេជោនាយករដ្ឋមន្ត្រីពីគម្រោងនៃការសិក្សា និងវិនិយោគផលិតថាមពលអគ្គិសនីដើរដោយព្រះអាទិត្យ ៕
ចែករំលែកព័តមាននេះ