ប្រទេសអេស្ប៉ាញ ៖ ប្រតិបត្តិការតាមរុករកកុមារអេស្ប៉ាញម្នាក់ដែលធ្លាក់ចូលក្នុងអណ្ដូងដ៏ជ្រៅមួយ តាំងពីថ្ងៃទី១៣មករាមក នៅតែបន្តមកដល់ថ្ងៃទី២០មករា។ នាថ្ងៃទី២០មករាផ្ទាំងថ្មយ៉ាងរឹងធំមួយបានរារាំង ពួកអ្នកជួយសង្គ្រោះដែលខួងជីករូងមួយប៉ុនប៉ងចូលឲ្យទៅដល់កុមារតូចអាយុ២ឆ្នាំនោះ ដែលធ្លាក់ចូលក្នុងអណ្ដូងជម្រៅដល់១០០ម៉ែត្រមួយតាំងពី៧ថ្ងៃមកហើយ។ គេនៅតែមានសង្ឃឹមថាអាចរកកុមារឈ្មោះ JULEN…
ប្រទេសអេស្ប៉ាញ ៖ ប្រតិបត្តិការតាមរុករកកុមារអេស្ប៉ាញម្នាក់ដែលធ្លាក់ចូលក្នុងអណ្ដូងដ៏ជ្រៅមួយ តាំងពីថ្ងៃទី១៣មករាមក នៅតែបន្តមកដល់ថ្ងៃទី២០មករា។
នាថ្ងៃទី២០មករាផ្ទាំងថ្មយ៉ាងរឹងធំមួយបានរារាំង ពួកអ្នកជួយសង្គ្រោះដែលខួងជីករូងមួយប៉ុនប៉ងចូលឲ្យទៅដល់កុមារតូចអាយុ២ឆ្នាំនោះ ដែលធ្លាក់ចូលក្នុងអណ្ដូងជម្រៅដល់១០០ម៉ែត្រមួយតាំងពី៧ថ្ងៃមកហើយ។ គេនៅតែមានសង្ឃឹមថាអាចរកកុមារឈ្មោះ JULEN ROSELLO ដែលធ្លាក់ចូលក្នុងអណ្ដូងទឹកគេបោះបង់ចោលនោះឃើញ ហើយនៅរស់រានមានជីវិត។ ទោះបីពេលវេលាចេះតែកន្លងទៅច្រើនថ្ងៃ ការខិតខំប្រឹងប្រែងតាមរកនៅបន្ត។
នាថ្ងៃទី១៩មករាគេបានខួងជីករូងត្រង់មួយទន្ទឹមគ្នានឹងអណ្ដូង។ នៅជម្រៅ៦០ម៉ែត្របណ្ដាកម្មកររ៉ែបានចុះទៅ ដើម្បីខួងជីករូងផ្ដេកមួយទៀតទៅភ្ជាប់នឹងអណ្ដូង រួចសង្ឃឹមថាអាចរកឃើញកុមារនោះនាថ្ងៃទី២១មករា។ ប៉ុន្តែបើតាមទូរទស្សន៍តំបន់CANAL SURថា ក្រោយពីចុះដល់ជម្រៅប្រមាណ៤០ម្រ៉ែត ម៉ាស៊ីននាថ្ងៃទី២០មករាបានប៉ះស្រទាប់ថ្មរឹងមួយ នាំឲ្យមានការយឹតយ៉ាវ។
នៅមុខក្រុមអ្នកកាសែតវិស្វករលោកANGEL GARCIA VIDAL ដែលត្រួតពិនិត្យប្រតិបត្តិការថ្លែងថា លោកសង្ឃឹមដែលការខួងជីករូងត្រង់អាចបង្ហើយនាពេលទៀបភ្លឹ។ យើងបន្តការងារយ៉ាងសកម្មពុំមានការឈប់ រួចយើងសង្ឃឹមទៅដល់គោលដៅក្នុងពេលដ៏ឆាប់៕
ចែករំលែកព័តមាននេះ