សុំសួរបន្ដិច នរណាខ្លះធ្លាប់និយាយថា ខ្លួនមិនអាចចេញរកស៊ីបាន ព្រោះតែគ្មានលុយគ្រប់គ្រាន់ ? ហើយបើខ្ញុំសួរថា ប្រសិនអ្នកមានសំណាងឈ្នះបានលុយ១លានដុល្លារនៅថ្ងៃនេះ តើអ្នកនឹងទៅរកស៊ីអ្វី ? មានមនុស្សមិនតិចទេ ដែលមិនដឹងថា គួរទៅចាប់ផ្តើមរកស៊ីអ្វី ។ គំនិតអាជីវកម្មគឺពិតជាសំខាន់ជាងលុយ ព្រោះបើយើងគ្រាន់តែមានលុយ តែគ្មានគំនិត នោះអ្នកមិនដឹងទៅរកស៊ីអ្វីទេ ។
ខាងក្រោមនេះ គឺជាគំនិតអាជីវកម្មទាំង៥ ដែលអាចឱ្យអ្នកចាប់ផ្តើមពីដៃទទេបាន ឬ គ្រាន់តែចំណាយលុយតិចតួច ៖
១. បង្កើតគំនិតអាជីវកម្មថ្មីមួយ ហើយទៅសុំការវិនិយោគពីអ្នកមាន ៖ អ្នកមានជាច្រើន គឺជាអ្នកវិនិយោគ ។ ពួកគេពេញចិត្តណាស់ ប្រសិនបើមាននរណាម្នាក់មានគំនិតថ្មី ហើយអាចប្រើគំនិតនោះបង្កើនលុយរបស់ពួកគាត់ ។ ដូចនេះ ប្រសិនបើគំនិតរបស់អ្នកអស្ចារ្យក្នុងការរកប្រាក់ចំណូលបាន មនុស្សមិនខ្លាចនឹងជះលុយលើគំនិតនេះទេ ។
២. បង្កើនវគ្គបង្រៀនអនឡាញ ៖ ប្រសិនបើអ្នកចេះជំនាញអ្វីមួយ អ្នកអាចយកជំនាញនោះមកបង្រៀនមនុស្សផ្សេងទៀត ដែលគេមិនទាន់ចេះ តាមរយៈអីុនធើរណេតបាន។ វាអាចជាវីឌីអូបង្រៀន ឬគ្រាន់តែជាអត្ថបទ ។ ប្រសិនបើមានមនុស្សច្រើនចាប់អារម្មណ៍ អ្នកអាចទាមទារឱ្យពួកគេបង់ប្រាក់ជាមុនតាមអុីនធើរណេត ដើម្បីអាចចូលអាន ឬមើលកិច្ចបង្រៀនរបស់អ្នកបាន ។
៣. អ្នកទទួលរៀបចំកម្មវិធី ឬដំណើរកម្សាន្ដ ៖ តើនរណាខ្លះជាអ្នកសម្បូរកម្មវិធីប្រជុំ ឬ ចូលចិត្តធ្វើដំណើរកម្សាន្ដ? ពិតណាស់! ពួកគេគឺមិនមែនជាអ្នកក្រនោះទេ ! ពួកគេមិនសូវជាមានពេលមកគិតល្អិតល្អន់ក្នុងការរៀបចំកម្មវិធីនីមួយៗឡើយ ព្រោះគេត្រូវគិតរឿងសំខាន់ៗជាងនេះ ។ ដោយសារតែអីចឹងហើយ អ្នកអាចសរសេរជាគម្រោងកម្មវិធី ឬ ដំណើរកម្សាន្ដឱ្យពួកគេ និងទទួលជាថ្លៃសេវាខ្លះៗ គ្រាន់ជាចំនូល ។
៤. សរសេរសៀវភៅ ៖ ពេលអ្នកសរសេរសៀវភៅចប់មួយក្បាល សៀវភៅមួយក្បាលនោះនឹងក្លាយទៅជាសៀវភៅរាប់ពានលានក្បាល ទៅតាមតម្រូវការរបស់អ្នកអាន ។ កាលពីមុន អ្នកត្រូវរកអ្នកបោះពុម្ពផ្សាយ តែពេលនេះវាកាន់តែមានភាពងាយស្រួល ដោយគ្រាន់តែសរសេររួច បង្ហោះឱ្យAmazonដើម្បីឱ្យពួកគេលក់ក្នុងទម្រង់ E-Book (សៀវភៅអេឡិចត្រូនិក) ជាការស្រេច ។ រាល់ការចុចទិញម្តងៗ លុយនឹងចូលក្នុងហោប៉ៅអ្នក បើទោះបីជាអ្នកកំពុងដេកលក់ក៏ដោយ ។
៥. លក់ជំនាញឱ្យគេ ៖ ប្រសិនបើអ្នកមានជំនាញក្នុងខ្លួន (ឌីហ្សាញវេបសាយ សរសេរអត្ថបទ កែសម្រួលអត្ថបទ/វីឌីអូ សរសេរប្រូក្រាម…) អ្នកអាចយកវាទៅប្រើប្រាស់ សម្រាប់រកលុយចិញ្ចឹមជីវិតបាន។ អ្នកអាចទទួលគម្រោងពីគេ អាចធ្វើវានៅផ្ទះ ឬ ហាងកាហ្វេជាការស្រេច ។
ក្រៅពីអាជីវកម្មទាំង៥ប្រភេទនេះ ក៏នៅមានអាជីវកម្មជាច្រើនទៀតដែលសុទ្ធតែអាចរកប្រាក់បាន ប៉ុន្ដែសូមចាំថាជោគជ័យទាំងអស់ មិនមែនកើនឡើងដោយស្រួលៗនោះទេ ។ តើលោកអ្នកគិតថា គំនិតអាជីវកម្មអ្វីទៀត ដែលអាចចាប់ផ្តើមដោយមិនអស់លុយច្រើន ឬ មិនប្រើលុយសោះតែម្តង0x017d7 សូមផ្តល់ជាមតិយោបល់ !
ចែករំលែកព័តមាននេះ