ខេត្តកំពត ៖ តាមសេចក្តីរាយការណ៍បឋមបានឲ្យដឹងថា ស្ងាត់យូហើយល្បែងស៊ីសងខុសច្បាប់ «យូគី» លុះរសៀលថ្ងៃទី២០ ខែមករា ស្រាប់តែមានមនុស្សមួយក្រុមបើកលេងល្បែងស៊ីសងខុសច្បាប់យូគី នៅភូមិតេជោអភិវឌ្ឍន៍ ឃុំតេជោអភិវឌ្ឍន៍ ស្រុកឈូក ខេត្តកំពត ត្រូវកម្លាំងសមត្ថកិច្ចនគរបាលការិយាល័យព្រហ្មទណ្ឌ ខេត្តកំពតចុះបង្ក្រាប និងឃាត់ខ្លួនមនុស្ស៩នាក់ ហើយមានច្រើននាក់បានរត់គេចខ្លួន ។
សេចក្តីរាយការណ៍បានបន្តថា មនុស្ស៩នាក់មានទី១ – ឈ្មោះ ថោង ប៊ុនធិន ភេទប្រុស អាយុ៦៣ឆ្នាំ ២- ឈ្មោះ គុណ នាង ភេទប្រុស អាយុ៥០ឆ្នាំ ៣- ឈ្មោះ គឹម ធារា ភេទប្រុស អាយុ៣១ឆ្នាំ ៤- ឈ្មោះ ម៉ែន សារៀន ភេទប្រុស អាយុ៦០ឆ្នាំ ៥- សួស សុខភី ភេទប្រុស អាយុ៥១ ឆ្នាំ ៦- ឈ្មោះ កឹម ណន ភេទប្រុស អាយុ៦១ឆ្នាំ ៧- ឈ្មោះ ជា គឹមសេង ភេទប្រុស អាយុ៣៨ឆ្នាំ ៨- ឈ្មោះ កឹម ហេង ភេទប្រុស អាយុ៣៨ឆ្នាំ និង៩- ឈ្មោះ ភន ហំ ភេទស្រី អាយុ៤៥ ឆ្នាំ ពួកភាគច្រើនជាមនុស្សចាស់ និងជរាពិការរត់មិនរួច ដែលជាប្រជាពលរដ្ឋរស់នៅភូមិតេជោអភិវឌ្ឍន៍ ឃុំតេជោអភិវឌ្ឍន៍ ស្រុកឈូក ខេត្តកំពត ។
ហើយក៏មានការចាប់យកវត្ថុតាងក្រដាស (ហាន់តោ) ១ផ្ទាំងរូបសត្វទាំង១២ ម៉ូតូ១៣គ្រឿង ទូរទស្សន៍១គ្រឿង ។ មនុស្សទាំង៩នាក់ត្រូវបានសមត្ថកិច្ចសាកសួរតាមនីតិវិធី ៕
ចែករំលែកព័តមាននេះ