រាជធានីភ្នំពេញ ៖ គម្រោងលំនៅឋាន និងដីឡូត៍ អាម៉ូរី ៧មករា ក្រោមការវិនិយោគរបស់វិនិយោគិនខ្មែរ ក្នុងទំហំទឹកប្រាក់ប្រមាណ៣០លានដុល្លារអាមេរិកក្នុងជំហ៊ានដំបូង បានប្រកាសលក់ជាផ្លូវការ កាលពីថ្ងៃទី១៩…
រាជធានីភ្នំពេញ ៖ គម្រោងលំនៅឋាន និងដីឡូត៍ អាម៉ូរី ៧មករា ក្រោមការវិនិយោគរបស់វិនិយោគិនខ្មែរ ក្នុងទំហំទឹកប្រាក់ប្រមាណ៣០លានដុល្លារអាមេរិកក្នុងជំហ៊ានដំបូង បានប្រកាសលក់ជាផ្លូវការ កាលពីថ្ងៃទី១៩ មករា ២០១៩ នៅលើតំបន់ដែលពោរពេញដោយសក្ដានុពល អភិវឌ្ឍន៍ទាំងបច្ចុប្បន្ន និងអនាគត ។ គម្រោងនេះ បានប្រកាសលក់ជាមួយនឹងការផ្ដល់ជូនពិសេសពីក្រុមហ៊ុនអភិវឌ្ឍន៍ ។
ថ្លែងនៅក្នុងសន្និសីទសារព័ត៌មានប្រកាសលក់គម្រោងនេះ នៅភោជនីយដ្ឋាន នាគក្រហម កាលពីថ្ងៃទី១៩ មករា ២០១៩ លោក សួន វីរៈតារា អគ្គនាយកក្រុមហ៊ុនអចលនទ្រព្យ អាម៉ូរី បានមានប្រសាសន៍អោយដឹងថា នៅពេលដែលប្រទេសជាតិមានកំណើនសេដ្ឋកិច្ចខ្ពស់ ប្រជាជនរបស់យើងក៏នឹងទទួលបាននូវកំណើនសេដ្ឋកិច្ចក្នុងគ្រួសារ ដែលបានជម្រុញឲ្យមានកំណើនអ្នកមានជីវភាពធូរធារកើនឡើង។ ដោយហេតុនេះ ក្រុមហ៊ុន អាម៉ូរី បានឈានជើងរបស់ខ្លួនដើរតួយ៉ាងសំខាន់ជួយដល់ប្រជាពលរដ្ឋទាំងអស់ដែលមានលទ្ធភាពក្នុងការធ្វើវិនិយោគទៅលើវិស័យអចលនទ្រព្យខ្នាតតូច និងមធ្យម ។
លោកសួន វីរៈតារា មានប្រសាសន៍បញ្ជាក់ថា ៖ « សម្រាប់គម្រោងលំនៅឋាន និងដីឡូតិ៍ ដែលក្រុមហ៊ុនកំពុងអភិវឌ្ឍ គឺស្ថិតនៅតាមបណ្ដោយផ្លូវជាតិលេខ៦អា ដែលជាតំបន់មានសក្ដានុពលខ្ពស់ ទាំងបច្ចុប្បន្ន និងអនាគត ជាក់ស្ដែងនៅជុំវិញគម្រោងនោះ មានដូចជា សួនសត្វ សាហ្វារី វិមានឈ្នះៗ និង ពហុកីឡដ្ឋានមរតកតេជោជាដើម ហើយវាជាតំបន់ប្រសព្វរវាងតំបន់ពាណិជ្ជកម្ម និងលំនៅឋាន » ។
លោកបន្តថា នៅក្នុងគម្រោងថ្មីនេះ អតិថិជននឹងទទួលបាននូវការបញ្ចុះតម្លៃដ៏អស្ចារ្យ និងមានការថែមជូនពិសេសមិនធ្លាប់មានជាច្រើនដូចជា ទិញផ្ទះមួយល្វែង ថែមជូនដីមួយឡូតិ៍ ទិញដីមួយឡូតិ៍ ថែមជូនមួយឡូតិ៍បន្ថែមទៀត ហើយវាកម្រមានក្រុមហ៊ុនណាអាចធ្វើបានបែបនេះណាស់ ។
សម្រាប់គម្រោងនេះដែរ គឺស័ក្តិសមបំផុតសម្រាប់អ្នកដែលចង់ទិញសម្រាប់វិនិយោគ ក៏ដូចជាអ្នកដែលចង់ទិញសម្រាប់រស់នៅពេលអនាគតផងដែរ ក្នុងនោះដែរ ក្រុមហ៊ុនក៏ផ្តល់ជូននូវជម្រើសសមស្របជាមួយនឹងតម្លៃដ៏សមរម្យដល់អតិថិជន ដោយផ្តល់នូវការបង់ប្រាក់ដោយគ្មានការប្រាក់រហូតដល់រយៈពេល៣ឆ្នាំ។ ឆ្លងកាត់ការបើកលក់សាកល្បងមួយសប្តាហ៍កន្លងមកនេះ ក្រុមហ៊ុនបានលក់អស់ប្រមាណ៥០%លើសពីការរំពឹងទុក។ អតិថិជនរបស់អាម៉ូរីបានបង្ហាញពីការសប្បាយចិត្តដោយទទួលបាននូវតម្លៃពិសេស ។
លោកបន្ថែមថា សម្រាប់គម្រោងលំនៅឋាន នឹងបញ្ចប់ជាស្ថាពរក្នុងរយៈពេល២ឆ្នាំខាងមុខ ហើយនៅពេលនោះដែរ សម្រាប់អតិថិជនដែលបានទិញគម្រោងលំនៅឋាន នឹងទទួលបានសោអាចចូលស្នាក់នៅបានផងដែរ ។ បន្ទាប់ពីគម្រោងនេះ ក្រុមហ៊ុនក៏នឹងមិនបញ្ចប់ការអភិវឌ្ឍន៍នៅត្រឹមហ្នឹងដែរ គឺក្រុមហ៊ុននឹងស្វែងរកការអភិវឌ្ឍន៍គម្រោងបន្តបន្ទាប់ទៀត ដើម្បីផ្ដល់ជូនពលរដ្ឋ ក៏ដូចជាវិនិយោគិន នានា។
នៅថ្ងៃទី១៩ មករានោះដែរ គម្រោងបានលក់ជាតំណាក់កាល ដែលតំណាក់ទី១ របស់គម្រោងនឹងផ្តល់ជូនចំនួន៤ជម្រើសដូចជា៖ ជម្រើសទី១ ដីទំហំ៥មX២០ម ជម្រើសទី២ ដីទំហំ១០មX២០ម ជម្រើសទី៣ ដីទំហំ២០មX៣០ម និងជម្រើសទី៤ ផ្ទះវីឡាកូនកាត់ទំហំ៥មX១២ម ។
គួរបញ្ជាក់ផងដែរថា អាម៉ូរី គឺជាក្រុមហ៊ុនដែលផ្តល់សេវាកម្មទាំងស្រុងទៅលើវិស័យអចលនទ្រព្យ ដែលរួមមានការលក់ និងជួលអចលនទ្រព្យសម្រាប់លំនៅដ្ឋាន និងពាណិជ្ជកម្ម ការលក់គម្រោងវិនិយោគ ការវាយតម្លៃអចលនទ្រព្យ ការស្រាវជ្រាវលើវិស័យអចលនទ្រព្យ និងការពិគ្រោះយោបល់លើវិស័យនេះជាដើម ៕ ដោយសហការ
ចែករំលែកព័តមាននេះ