រាជធានីភ្នំពេញ ៖ អនុសាខាកាកកបាទក្រហមកម្ពុជាប្រចាំខណ្ឌមានជ័យ ដឹកនាំដោយលោកឌី រ័ត្នខេមរុណ អភិបាលរងខណ្ឌ និងជាប្រធានអនុសាខាកាកបាទក្រហមកម្ពុជាប្រចាំខណ្ឌ បានបន្តនាំយកអំណោយមនុស្សធម៌របស់សម្តេចកិតិព្រឹទ្ធិបណ្ឌិត ប៊ុន រ៉ានី ហ៊ុនសែន ចែកជូនដល់ពលរដ្ឋក្រីក្រចំនួន៦០គ្រួសារ មកពីសង្កាត់ចំនួន៣ ក្នុងមូលដ្ឋានខណ្ឌ មានសង្កាត់ស្ទឹងមានជ័យទី១ សង្កាត់ស្ទឹងមានជ័យ២ និងសង្កាត់ស្ទឹងមានជ័យទី៣ ។
លោកប្រធានគណៈកម្មាធិការកាកបាទក្រហមកម្ពុជាខណ្ឌមានជ័យតែងតែមានក្តីមេត្តា ករុណា គិតគូរ និងផ្តល់ក្តីសង្ឃឹម ជំនឿចិត្តដល់ប្រជាពលរដ្ឋទូទៅក្នុងមូលដ្ឋានខណ្ឌមានជ័យ ដែលជួបការលំបាកពោលគឺ”កន្លែងណាមានទុក្ខលំបាក កន្លែងនោះមានកាកបាទក្រហមកម្ពុជា”។
ក្នុងឱកាសនោះដែរ លោកប្រធានគណៈកម្មាធិការកាកបាទក្រហមកម្ពុជាខណ្ឌមានជ័យបានថ្លែងថា កាកបាទក្រហមកម្ពុជាតែងតែប្រារព្ធពិធី ៨-ឧសភា រៀងរាល់ឆ្នាំនិងនៅអាណត្តិទី៦នេះ អនុសាខាកាកបាទក្រហមខណ្ឌនឹងបន្តបេសកកម្មការងារមនុស្សធម៌របស់សម្ដេចកិត្តិព្រឹត្តិបណ្ឌិត ប៊ុនរ៉ានី ហ៊ុនសែន និងអំណោយរបស់អនុសាខាកាកបាទក្រហមកម្ពុជាខណ្ឌមានជ័យ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ។
លោកអភិបាលរងបានថ្លែងបន្តទៀតថា យើងមានអ្វីៗសព្វថ្ងៃនេះគឺដោយសារការខិតខំប្រឹងប្រែងរបស់ថ្នាក់ដឹកនាំជាតិ របស់គណបក្សប្រជាជនកម្ពុជា ហើយជាពិសេស ក្រោមការដឹកនាំរបស់សម្តេចតេជោ ហ៊ុន សែន បានធ្វើឱ្យប្រទេសកម្ពុជាមានការអភិវឌ្ឍ មានសុខសន្តិភាព មានស្ថេរភាពនយោបាយល្អ និងមានសេដ្ឋកិច្ចរីកចម្រើនឥតឈប់ឈរ។
ជាមួយគ្នានោះ លោក ឌី រ័ត្នខេមរុណ អភិបាលរងនិងជាប្រធានគណៈកម្មការកាកបាទក្រហមកម្ពុជាខណ្ឌមានជ័យ បានអំពាវនាវដល់បងប្អូនប្រជាពលរដ្ឋ ដែលរស់នៅក្នុងមូលដ្ឋានខណ្ឌមានជនជ័យទាំងអស់ឱ្យបន្តជឿទុកចិត្តលើការដឹកនាំរបស់ អាជ្ញាធរខណ្ឌ រាជរដ្ឋាភិបាល គណបក្សប្រជាជន និងការដឹកនាំដ៏ត្រឹមត្រូវរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីកម្ពុជាកាន់តែមានការអភិវឌ្ឍ ពេញលេញនិងទទួលបាននូវសុខសន្តិភាពបន្តជានិរន្តរ៍។
គួរបញ្ជាក់ថា លោកប្រធានអនុសាខាបក្សបាននាំយកអំណោយមនុស្សធម៌អនុសាខាផ្តលផ្តល់ជូនប្រជាពលរដ្ឋដោយរួមមាន៖ អង្ករ១បាវ មី ទឹកបរិសុទ្ធ តែ ទឹកត្រី ទឹកស៊ីអ៊ីវ នឹងសំភារៈផ្ទះបាយបាយ មួយចំនួនរួមទាំងថវិកាចំនួន ២ម៉ឺនរៀលផងដែរ ៕
ចែករំលែកព័តមាននេះ