គិតបែបណានេះ! បើគាត់ស្នើសុំចឹងហើយ
- ស្ទឹងត្រែង
ខេត្តស្ទឹងត្រែង ៖ ប្រជាពលរដ្ឋ៣៩២គ្រួសារដែលបាន និងកំពុងទន្ទ្រានកាន់កាប់ដីព្រៃ ស្ថិតនៅ ចំណុចដៃអូសេវ តំបន់ប្រសព្វរវាងឃុំស្តៅ និងភ្លុក ស្រុកសេសាន ខេត្តស្ទឹងត្រែង…
ខេត្តស្ទឹងត្រែង ៖ ប្រជាពលរដ្ឋ៣៩២គ្រួសារដែលបាន និងកំពុងទន្ទ្រានកាន់កាប់ដីព្រៃ ស្ថិតនៅ ចំណុចដៃអូសេវ តំបន់ប្រសព្វរវាងឃុំស្តៅ និងភ្លុក ស្រុកសេសាន ខេត្តស្ទឹងត្រែង…
ខេត្តស្ទឹងត្រែង ៖ ប្រជាពលរដ្ឋ៣៩២គ្រួសារដែលបាន និងកំពុងទន្ទ្រានកាន់កាប់ដីព្រៃ ស្ថិតនៅ ចំណុចដៃអូសេវ តំបន់ប្រសព្វរវាងឃុំស្តៅ និងភ្លុក ស្រុកសេសាន ខេត្តស្ទឹងត្រែង ស្នើសុំចេញ ប័ណ្ណកម្មសិទ្ធដី ដើម្បីការរស់នៅដោយស្របច្បាប់ បើទោះបីជាអាជ្ញាធរបានចុះហាម២ដងរួចមកហើយ ។
ការក្រាញននៀលមិនព្រមចាកចេញពីតំបន់នេះ ក៏ព្រោះប្រជាពលរដ្ឋទាំងនោះអះអាងពួកគេមិនមានទីកន្លែងត្រូវទៅដោយពួកគ្មានទីជម្រកណាត្រូវនៅ និងគ្មានដីសម្រាប់បង្កបង្កើនផល ។
លោកប៊ុត សុខជា និងលោក ស្រី កញ្ច្រៀច តំណាងអោយពលរដ្ឋជិត៤០០គ្រួសារ សូមអោយ អាជ្ញាធរខេត្តស្ទឹងត្រែងជួយផ្ដល់ប័ណ្ណកម្មសិទ្ធដីធ្លីជូនពលរដ្ឋស្របច្បាប់ ដូចពលរដ្ឋដទៃផងដែរ ។ ពាក់ព័ន្ធ និងកាប់ឆ្កាដីព្រៃរបស់រដ្ឋនៅចំណុច អូរសេវ និងចំបក់ ស្ថិតក្នុងភូមិសាស្ត្រ ឃុំភ្លុកនិងឃុំស្ដៅ ស្រុកសេសានខេត្តស្ទឹងត្រែង របស់ប្រជាពលរដ្ឋប្រមាណជា៣៩២គ្រួសារ ត្រូវបានក្រុមកាងារក្នុងមូលដ្ឋានចុះទៅធ្វើការណែនាំ និងហាមឃាត់មិនអនុញាតិអោយរស់នៅអាស្រ័យផលនៅតំបន់នោះឡើយ ។
លោកស្រី សុខ នឿន ជាប្រជាពលរដ្ឋមកពីខេត្តក្រចេះបានអោយដឹងថា ពីដើមឡើយគាត់បានមកស៊ីឈ្នួលដាំបាយអោយក្រុមហ៊ុនសាងសង់ទំនប់វារីអគ្គិសនី ហើយមិនត្រឡប់ទៅកាន់ ស្រុកកំណើតវិញទេ ដោយមូលហេតុមានជីវភាពខ្វះខាត គ្មានកន្លែងអោយកូនរស់នៅទើបមកចាប់ដី ដើម្បីធ្វើការដាំដុះបង្កបង្កើនផល និងរស់នៅជាចិន្ត្រៃយ៍តែម្តង ។
តំណាងប្រជាពលរដ្ឋ លោក ប៊ុត សុខជា បានបញ្ជាក់ថា បងប្អូនប្រជាពលរដ្ឋទាំងអស់ភាគច្រើនពួកគាត់មកស៊ីឈ្នួលអារឈើអោយក្រុមហ៊ុនសាងសង់ទំនប់វារីអគ្គិសនីសេសានក្រោម២ ក្រោយមកពួកគាត់ពេញចិត្ត និងចង់រស់នៅទីនេះក៏បាននាំគ្នាកាប់ទន្ទ្រានដីព្រៃរស់នៅអាស្រ័យផល រហូតមកដល់បច្ចុប្បន្ននេះ ។
លោកបន្តថា កន្លងមកខាងអាជ្ញាធរខេត្តស្រុកក៏បានចុះមកណែនាំ និងបានអោយពលរដ្ឋវិលត្រឡប់ទៅស្រុកកំណើតវិញ តែពលរដ្ឋអស់អស់មិនព្រមចាកចេញ ហើយក្រាញ់ននៀល សុខចិត្តរស់នៅទីនេះរហូត និងសូមអោយអាជ្ញាធរខេត្ត និងប្រមុខរាជរដ្ឋាភិបាលជួយផ្ដល់កម្មសិទ្ធដី ដើម្បីរស់នៅស្របច្បាប់ដូចជា ប្រជាពលរដ្ឋទូទៅ ។
ជុំវិញបញ្ហាខាងលើនេះ លោក ជា ថាវរិទ្ធ អភិបាលរងខេត្តស្ទឹងត្រែងទទួលបន្ទុកទំនាស់ដីធ្លីបានអោយដឹងថា នៅព្រឹកថ្ងៃទី១៩ ខែមករា ឆ្នាំ២០១៩ ថា បញ្ហាការវិវាទដីធ្លីនេះកំពង់តែមានការកើតឡើងយ៉ាងក្ដៅគគុកមិនអាចអនុញ្ញាតអោយកាប់ទន្ទ្រានដីព្រៃរបស់រដ្ឋធ្វើជាកម្មសិទ្ធ បុគ្គលបានឡើយ ។ លោកបន្ដថា ករណីប្រជាពលរដ្ឋចូលកាប់ទន្ទ្រានដីព្រៃនៅចំណុចខាងលើ គឺលោក ដួងពៅ អភិបាលរងខេត្តស្ទឹងត្រែងជាប្រធានក្រុមការងារក្នុងការដោះស្រាយ ។
លោក ដួង ពៅ អភិបាលរងខេត្តស្ទឹងត្រែងបានអោយដឹងថា បញ្ហាប្រជាពលរដ្ឋដែលសំណូមពរខាងលើលោក និងបង្កើតក្រុមការងារចុះត្រួតពិនិត្យ និងបើកការស៊ើបអង្កេតឡើងវិញ នៅពេលខាងមុខនេះ ៕
ចែករំលែកព័តមាននេះ