ខេត្តក្រចេះ ៖ ស្ថានភាពទំនាស់ដណ្តើមដីធ្លីពីពលរដ្ឋចំណាកស្រុកជាច្រើនរយគ្រួសារ ជាមួយក្រុមហ៊ុនវិនិយោគជនឈ្មោះហៅថា ចម្ការកៅស៊ូមេមត់ មានទីតាំងនៅក្នុងស្រុកស្នួល ត្រូវបានអាជ្ញាធរអះអាងថា គឺកាន់តែឈានដល់កំរិតធូរស្រាលនិងជិតដល់ចំណុចបញ្ចប់ បន្ទាប់ពីជម្លោះដណ្តើមដីបានអូសបន្លាយអស់រយៈជាច្រើនឆ្នាំ គឺស្ថិតក្នុងស្ថានភាពដ៏តានតឹងបំផុតពីក្រុមអ្នកតវ៉ា…
ខេត្តក្រចេះ ៖ ស្ថានភាពទំនាស់ដណ្តើមដីធ្លីពីពលរដ្ឋចំណាកស្រុកជាច្រើនរយគ្រួសារ ជាមួយក្រុមហ៊ុន
វិនិយោគជនឈ្មោះហៅថា ចម្ការកៅស៊ូមេមត់ មានទីតាំងនៅក្នុងស្រុកស្នួល ត្រូវបានអាជ្ញាធរអះអាងថា គឺកាន់តែឈានដល់កំរិតធូរស្រាលនិងជិតដល់ចំណុចបញ្ចប់ បន្ទាប់ពីជម្លោះដណ្តើមដីបានអូសបន្លាយអស់រយៈជាច្រើនឆ្នាំ គឺស្ថិតក្នុងស្ថានភាពដ៏តានតឹងបំផុតពីក្រុមអ្នកតវ៉ា ។
រហូតមកទល់ថ្ងៃទី១៨ មករា នេះ អាជ្ញាធរនៃមន្ទីរជំនាញពាក់ព័ន្ធ បានសម្រេចអនុវត្តការងារលើគម្រោងផែនចុះបើកផ្លូវ ដើម្បីបោះបង្គោលតម្រុយលើដីឡូត៍សម្បទាន ដែលនិងត្រូវបែកចែក ។ អាជ្ញាធរស្រុកស្នួលបានអះអាងថា ពលរដ្ឋដែលកន្លងមក ជាក្រុមអ្នកតវ៉ាយ៉ាងសកម្មបានបង្វែរសកម្មភាពបញ្ឈប់ការតវ៉ានិងបានសហការជាមួយនិងអាជ្ញាធរក្នុងការអនុវត្តគំរោងផែនការបែកចែកដីធ្លីជូនទៅពួកគាត់ ទើបធ្វើឲ្យដំណើរការអនុវត្តគំរោងកាន់តែមានភាពប្រសើរឡើង ។
អភិបាលរងស្រុកស្នួល លោក សាម ណាល់ បានថ្លែងប្រាប់ឲ្យដឹងថា នៅថ្ងៃទី១៨ មករា នេះ អាជ្ញាធរបានជំនាញបានចុះបើកផ្លូវ និងបោះបង្គោលព្រំដី ដើម្បីដំណើរវាស់វែងដីធ្លីទៅតាមដំណាក់ការ និងតាមផែនការរបស់ក្រសួងសូរិយោដី។ ដំណាក់កាលដែលត្រូវ អនុវត្ត គឺទី១ ការចុះបើកផ្លូវ ទី២.បោះតម្រុយបង្គោលព្រំកំណត់ដីឡូត៍ ទី៣.ការចាប់ឆ្នោត និង ទី៤.ការបង្ហាញដីឡូត៍ដែលជាកម្មសិទ្ឋរបស់ពួកគាត់ ។
លោកអភិបាលរងស្រុកបានបញ្ជាក់ថា ពលរដ្ឋដែលជាក្រុមអ្នកតវ៉ា និងធ្លាប់ជឿតាមការ ញុះញង់របស់មេខ្យល់ ដែលតែងតែធ្វើការចុះទៅទាមទារការតវ៉ាដល់រាជធានីភ្នំពេញ ពួកគាត់ បានមកសម្របសម្រួលជាមួយអាជ្ញាធរក្នុងកិច្ចការងារបោះវាស់វែងដីសម្បទាន ។
មន្ត្រីសាលាស្រុកស្នួលបានឲ្យដឹងថា អាជ្ញាធរបានរៀបចំដីសម្បទានចំនួនជាង៤ពាន់ ហិកតានៅក្នុងភូមិសាស្ត្រន៍ ស្រុកស្នួល សម្រាប់បែកចែកជូនពលរដ្ឋដែលចាក្រុមអ្នកតវ៉ាទាម ទារមានចំនួន ១៥៤៨គ្រួសារបានមកដាក់ពាក្យស្នើសុំដីសម្បទាន ។
តែយ៉ាងណាចំនួននេះ គឺអាជ្ញាធរនិងធ្វើការវិនិច្ឆ័យលើពលរដ្ឋដែលគ្មានដីនិងមានជីភាពក្រីក្រពិតប្រាដក។ ពលរដ្ឋទាំងចំនួនខាងលើ ដែលបានមកដាក់ពាក្យស្នើរសុំនេះ មានមកពី១៥រាជធានីខេត្ត-ក្រុង ។
ចែករំលែកព័តមាននេះ