ខេត្តកណ្តាល ៖ កម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកណ្តាល ក្រោមការដឹកនាំពីលោកវរសេនីយ៍ ចៅ វុឌ្ឍី ប្រធានការិយាល័យព្រហ្មទណ្ឌកម្រិតធ្ងន់ ដោយមានបទបញ្ជាយ៉ាងមឺុងម៉ាត់ពីសំណាក់លោកឧត្តមសេនីយ៍ទោ អ៊ាវ ចំរើន…
ខេត្តកណ្តាល ៖ កម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកណ្តាល ក្រោមការដឹកនាំពីលោកវរសេនីយ៍ ចៅ វុឌ្ឍី ប្រធានការិយាល័យព្រហ្មទណ្ឌកម្រិតធ្ងន់ ដោយមានបទបញ្ជាយ៉ាងមឺុងម៉ាត់ពីសំណាក់លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្ត សហការជាមួយកម្លាំងព្រហ្មទណ្ឌខេត្តកំពង់ធំ ធ្វើការចាប់ខ្លួនបានហើយ នៅថ្ងៃទី១៧ មករា នៅចំណុចភូមិកំពង់សំរោង ឃុំស្រយ៉ូវ ស្រុកស្ទឹងសែន ខេត្តកំពង់ធំ ។
ឃាតករដែលត្រូវចាប់បានឈ្មោះ សុខ ចាន់ថា ភេទស្រី អាយុ៣៩ឆ្នាំ មានទីលំនៅ ភូមិបឹង ឃុំរកា ស្រុកកណ្ដាលស្ទឹង ខេត្តកណ្ដាល ។ រីឯស្ត្រីរងគ្រោះឈ្មោះ ឈុន ទូ អាយុ៥៦ឆ្នាំ មុខរបរមេផ្ទះ មានស្រុកកំណើតស្ថិតនៅឃុំស្រៃអំបិល ស្រុកបុទុមសាគរ ខេត្តកោះកុង ។ បច្ចុប្បន្នស្នាក់នៅភូមិបឹង ឃុំរកា ស្រុកកណ្ដាលស្ទឹង ។
តាមមន្ត្រីសមត្ថកិច្ចថា ការសម្លាប់នេះ គឺស្ត្រីជាឃាតករបានយកខ្សែអង្រឹងរឹត.កសម្លាប់ ។ រវាងស្ត្រីរងគ្រោះនិងជនដៃដល់ គឺជាមនុស្សរាប់អានគ្នានិងមានផ្ទះនៅក្បែរគ្នាប្រមាណ១០០ម៉ែត្រ ។ ក្រោយការចាប់ខ្លួនសមត្ថកិច្ចបានដកហូតមកវិញប្រាក់៦០០ដុល្លារ និងគ្រឿងអលង្ការ ។
សូមរំលឹកថា សម្ភារដែលបាត់បង់ត្រូវបានបុរសជាប្តីថា បាត់លុយដុល្លារចំនួន៣០.០០០ដុល្លារ, លុយខ្មែរចំនួន២លានរៀល, ខ្សែកមាស២តម្លឹង ចិញ្ចៀនមាស៥ជី, ខ្សែដៃមាស៥ជី តែស្ត្រីជាឃាតករថា មានដុល្លារតែ៧០០ដុល្លារ និងគ្រឿងអលង្ការប៉ុណ្ណោះ ៕
ចែករំលែកព័តមាននេះ