តាមប្រភពព័ត៌មាន Goal បានឱ្យដឹងថា កីឡាករជើងខ្លាំង Lionel Messi ប៉ងចង់បានគ្រាប់បាល់ច្រើនទៀតនៅថ្ងៃមុខក្រោយពីសម្រេចបាន៤០០គ្រាប់នៅក្នុងការប្រកួត LaLiga ។
នៅក្នុងការប្រកួតថ្មីៗនេះជាមួយនឹង Eibar កាលពីថ្ងៃអាទិត្យ Messi បានជួយក្រុមឱ្យឈ្នះក្នុងលទ្ធផល 3-0 ។ នាពេលនេះ Messi មានចំនួនគ្រាប់ច្រើនជាងគូប្រជែងរបស់ខ្លួន Cristiano Ronaldo ដែលបានចាកចេញពី LaLiga ទៅកាន់ក្លិប Juventus ដល់ទៅ៨៩គ្រាប់ ។
Messi បានប្រាប់ទៅកាន់ព័ត៌មាន Mundo Deportivo ថា ៖«ខ្ញុំមានមោទនភាពនឹងការសម្រេចបាន៤០០គ្រាប់ណាស់ ហើយខ្ញុំសង្ឃឹមថាខ្ញុំនឹងអាចស៊ុតចូលច្រើនទៀត ។ ខ្ញុំមិនសូវជាផ្តោតលើចំនួន ឬកំណត់ត្រានោះទេ ។ ខ្ញុំចូលចិត្តគិតអំពីការវិវត្តន៍ពីមួយថ្ងៃទៅមួយថ្ងៃ» ។
កីឡាករអាហ្សង់ទីនម្នាក់នេះបានបន្តថា ៖«លើសពីការស៊ុតចូលទីខ្ញុំក៏គិតពីការប្រឹងជំនះគ្រប់ឧបសគ្គទាំងអស់ដែលមាននៅក្នុងការប្រកួត ។ ខ្ញុំព្យាយាមជួយមិនត្រឹមតែរកគ្រាប់បាល់ប៉ុណ្ណោះទេ ហើយព្រមទាំងជួយបញ្ជូនបាល់ឱ្យមិត្តរួមក្រុមផងដែរ»។
អ្វីដែលនិយាយត្រូវចិត្តជាងគេនោះគឺ Messi បាននិយាយថា ៖«វាច្បាស់ណាស់ថា បើគ្មានការជួយជ្រោមជ្រែងពីមិត្តរួមក្រុមខ្ញុំទេ គឺខ្ញុំមិនអាចស៊ុតបានច្រើនដល់៤០០គ្រាប់នោះទេ» ៕
ចែករំលែកព័តមាននេះ