ដោយសារតែមិនស្គាល់ពីតម្លៃរបស់ខ្លួន ទើបបុគ្គលពួកខ្លះចេះតែដើរបង្កបញ្ហា ប្រព្រឹត្តអំពើមិនគប្បីផ្សេងៗ ដែលនាំឱ្យប៉ះពាល់ដល់សីលធម៌សង្គម និងធ្វើឱ្យរង្កៀសចិត្តអ្នកផងទាំងពួង ។
នៅក្នុងគម្ពីរធម្មបទដ្ឋកថាមាននិយាយពីដំណើររបស់ព្រះអង្គដែលលោកនិមន្តទៅចរចាយ៉ាងពិសេសជាមួយញាតិរបស់ព្រះអង្គ រឿងចែកទឹកធ្វើស្រែមិនត្រូវគ្នា។ ខណៈនោះបើ ព្រះអង្គទៅយឺតពេលតែបន្តិចសង្គ្រាមរវាងញាតិទាំងពីរពួកនឹងត្រូវផ្ទុះឡើងកាប់ប្រហារបង្ហូរឈាមគ្នាក្លាយជាស្ទឹងឈាមបាត់ទៅហើយ ដោយសារតែភ្លើងទោសៈឆេះឡើង។
នៅពេលនិមន្តទៅដល់ ព្រះអង្គគង់នៅចំកណ្តាលនៃញាតិទាំងពីរពួក ហើយទេសនាអប់រំ បង្ហាញពីទោសនៃការប្រើហិង្សា បង្ហាញពីផលនៃអហិង្សា រួមនឹងតម្លៃនៃមនុស្សជាតិដូចត្រង់ឃ្លាមួយព្រះអង្គសួរថា តើតម្លៃទឹកដែលអ្នកទាំងឡាយកំពុងឈ្លោះដណ្តើមគ្នានេះ និងតម្លៃក្សត្រ មួយណាថ្លៃជាង?
អ្នកទាំងនោះឆ្លើយថា តម្លៃក្សត្រថ្លៃមហាសាល រហូតដល់មនុស្សទាំងពីរពួកស្តាប់បាន ហើយបោះអាវុធចោល រួចក៏ឈប់ធ្វើសង្គ្រាម បំបែកគ្នាចេញអស់ទៅ ។
ព្រះបរមសាស្តាក៏បានសម្តែងអំពីការឈ្នះចាញ់ជាការឥតប្រយោជន៍ បើគេក្រោធដោយការមិនក្រោធតបតវិញ បើគេនិយាយអាក្រក់ ពាក្យអសុរោះមករក ត្រូវនិយាយពាក្យល្អ ពីរោះទៅគេវិញ ឬពៀររមែងរម្ងាប់ដោយការមិនចងពៀរជាដើម។ ទាំងអស់នេះសុទ្ធតែជាទ្រឹស្តីដែលនាំឱ្យបានសុខ មានសន្តិភាពនៅក្នុងសង្គមមនុស្ស
ចែករំលែកព័តមាននេះ