រាជធានីភ្នំពេញ ៖ នារីវ័យក្មេងម្នាក់បានបើករថយន្តម៉ាក KIA morning មកដល់ចំណុចផ្លូវកែងអក្សរតេ បានបុកជាមួយរថយន្តម៉ាកម៉ាស្តាដែលជិះដោយ២នាក់ប្តីប្រពន្ធ បណ្តាលអោយខូចខាត ហើយថែមទាំងទារសំណងថែមទៀត ហេតុការណ៍នេះដែរបានកើតឡើងនៅវេលាម៉ោង៦និង៣៥នាទីយប់ថ្ងៃទី១៧…
រាជធានីភ្នំពេញ ៖ នារីវ័យក្មេងម្នាក់បានបើករថយន្តម៉ាក KIA morning មកដល់ចំណុចផ្លូវកែងអក្សរតេ បានបុកជាមួយរថយន្តម៉ាកម៉ាស្តាដែលជិះដោយ២នាក់ប្តីប្រពន្ធ បណ្តាលអោយខូចខាត ហើយថែមទាំងទារសំណងថែមទៀត ហេតុការណ៍នេះដែរបានកើតឡើងនៅវេលាម៉ោង៦និង៣៥នាទីយប់ថ្ងៃទី១៧ ខែមករា ឆ្នាំ២០១៩ ជិតបញ្ជាការកងរាជអាវុធហត្ថក្រុងភ្នំពេញ ផ្លូវវ៉េងស្រេងកែងនិងផ្លូវ៣៧១សូឡា ភូមិដំណាក់ធំ១ សង្កាត់ស្ទឹងមានជ័យ៣ ខណ្ឌមានជ័យ ។
តាមប្រភពពត័មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញប្តីប្រពន្ធ២នាក់ ជិះរថយន្តមួយគ្រឿងម៉ាកម៉ាស្តា ពណ៌ទឹកប្រាក់ ពាក់ស្លាកលេខ ភ្នំពេញ ២Z ៥២២៩ ធ្វើដំណើរតាមផ្លូវ
វេងស្រេង ក្នុងទិសដៅពីកើតទៅលិច លុះមកដល់ចំណុចកើតហេតុ ដែលជាផ្លូវកែងអក្សរតេ ស្រាប់តែនារីវយ័ក្មេងម្នាក់បានបើកបររថយន្តមួយគ្រឿងម៉ាក KIA morning ពណ៌ស ពាក់ស្លាកលេខ ភ្នំពេញ ២AN-៦៦៣៧ ធ្វើដំណើរតាមផ្លូវ៣៧១សូឡា ក្នុងទិសដៅពីជើងទៅត្បូង បានបើកឆ្លងកាត់ទទឹងផ្លូវ បត់ឆ្វេងឡើងទៅផ្លូវវេងស្រេង ដោយសារតែការបើកបរខ្វះការប្រុងប្រយ័ត្នក៏ជ្រុលទៅបុករថយន្តម៉ាកម៉ាស្តាចំពាក់កណ្តាល បណ្តាលអោយរថយន្តម៉ាស្តារងការខូចខាតក្រពឹតគូថក្រោយចំហៀងឆ្វេងបន្តិចបន្តួច តែមិនមានគ្រោះថ្នាក់ដល់មនុស្សណាម្នាក់នោះទេ ។
ដោយឡែក ខាងរថយន្ត KIA morning វិញបានរងការខូចខាតក្រពិតកាងមុខចំហៀងខាងស្តាំ តែមិនមានគ្រោះថ្នាក់ដល់មនុស្សដូចគ្នា ។ ភ្លាមៗនោះដែរ ភាគីទាំងសងខាងបានធ្វើការសម្របសម្រួលគ្នា ដោយខាងរថយន្ត KIA morning ដែលបើកបុកគេ បានទាមទារសំណង តែខាងរថយន្តម៉ាកម៉ាស្តា គឺសុំស្មើគ្នា ។ ការសប្រមសម្រួលអស់រយៈពេលកន្លះម៉ោងនៅតែមិនត្រូវ រហូតទាល់តែសមត្ថកិច្ច ចុះទៅជួយសម្របសម្រួល ។
ក្រោយពេលកើតហេតុ ដោយសារតែមានសម្របសម្រួលពន្យល់ណែនាំពីសមត្ថកិច្ច ទើបភាគីទាំងសង
ខាងឯកភាពគ្នាសុខចិត្តយករថយន្តទៅជួសជុលរៀងៗខ្លួនដើម្បីបញ្ចប់រឿង ៕
ចែករំលែកព័តមាននេះ