ប្រទេសអេស្ប៉ាញ ៖ វាសនារបស់ក្មេងប្រុសឈ្មោះ JULEN អាយុ២ឆ្នាំ មកទាល់ថ្ងៃទី១៦មករា នៅតែពុំទាន់អាចតាមរកឃើញក្រោយពីធ្លាក់់ចូលទៅក្នុងអណ្ដូងយ៉ាងជ្រៅនិងមានទំហំតូចមួយមក។ ពួកអ្នកជួយសង្គ្រោះបានប្រើគ្រប់មធ្យោបាយប៉ុនប៉ងតាមរកកុមារតូចនោះ ដែលធ្លាក់ចូលក្នុងអណ្ដូងជម្រៅដល់ទៅ១០០ម៉ែត្រ ចាប់តាំងពី៤ថៃ្ងមកហើយ។…
ប្រទេសអេស្ប៉ាញ ៖ វាសនារបស់ក្មេងប្រុសឈ្មោះ JULEN អាយុ២ឆ្នាំ មកទាល់ថ្ងៃទី១៦មករា នៅតែពុំទាន់អាចតាមរកឃើញក្រោយពីធ្លាក់់ចូលទៅក្នុងអណ្ដូងយ៉ាងជ្រៅនិងមានទំហំតូចមួយមក។
ពួកអ្នកជួយសង្គ្រោះបានប្រើគ្រប់មធ្យោបាយប៉ុនប៉ងតាមរកកុមារតូចនោះ ដែលធ្លាក់ចូលក្នុងអណ្ដូងជម្រៅដល់ទៅ១០០ម៉ែត្រ ចាប់តាំងពី៤ថៃ្ងមកហើយ។ អាជ្ញាធរបានធ្វើការវិភាគសក់ដែលរកឃើញក្នុងអណ្ដូង។ សក់ប៉ុន្នានសសៃដែលរកឃើញ ត្រូវយកទៅធ្វើតេស្តADNហើយលទ្ធផលបង្ហាញថា ពិតជាសក់របស់កុមារនោះ។ សក់ទាំងនេះជាភស្ដុតាងមិនអាចប្រកែកបានថា កុមារJULENស្ថិតក្នុងអណ្ដូងនេះ។មកទល់ពេលនេះក្រៅពីសក់ គេនៅរកឃើញតែកញ្ចប់នំមួយទៀតប៉ុណ្ណោះក្នុងអណ្ដូង។
យោងតាមសាច់ញាតិរបស់គេថា កាលពីថ្ងៃទី១៣មករា ក្មេងប្រុសJULENបានដើរលេងលើទីលានមួយនៅតាតាឡាន ជាភូមិមួយនៅក្បែរទីក្រុងម៉ាឡាហ្គាភាគខាងត្បូងប្រទេស ខណៈឪពុកម្ដាយរបស់គេកំពុងហូបចុកនៅក្បែរទីនោះដែរ ហើយក៏ធ្លាក់ចូលក្នុងអណ្ដូងនេះ។ អាជ្ញាធរសម្រាប់ពេលនេះពុំមានភស្ដុតាងណាមួយដែលគិតថាកុមារនោះនៅរស់ឡើយ តែគេនៅមិនទាន់អស់សង្ឍឹម។
ដើម្បីតាមរកកុមារនោះអាជ្ញាធរ បានសម្រេចជីករូង២ប៉ុនប៉ងចូលឲ្យដល់កន្លែងដែលគេនៅក្នុងអណ្ដូង។ សហគ្រាសស៊ុយអែតមួយដែលធ្លាប់ចូលរួមក្នុងប្រតិបត្តិការ ជួយសង្គ្រោះកម្មកររ៉ែសីុលី៣៣នាក់ កាលពី៧ឆ្នាំមុនក៏លើកមកជួយដែរ។ មានសហគ្រាសដល់ទៅ៩ចូលរួមក្នុងប្រតិបត្តិជួយសង្គ្រោះកុមារនេះ។ ពួកអ្នកជួយសង្គ្រោះប៉ុនប៉ងបញ្ចូលកាមេរ៉ានានាទៅក្នុងអណ្ដូង តាមរកសញ្ញាដែលកុមារនោះអាចនៅមានជីវិតតែត្រូវបរាជ័យ៕
ចែករំលែកព័តមាននេះ