ប្រទេសអង់គ្លេស ៖ នាយករដ្ឋមន្ត្រីអង់គ្លេសលោកស្រីTHERESA MAYនឹងស្ថិតនៅកាន់តំណែង ព្រោះសភាបានអនុម័តយ៉ាងប្រផិតប្រផើយកាលពីថ្ងៃទី១៦មករា បដិសេធញត្តិសម្ដែងការមិនទុកចិត្តដែលដាក់មុននេះដោយគណបក្សប្រឆាំង។
ក្នុងបោះឆ្នោតលើញត្តិនេះសមាជិកសភា៣២៥រូបបានបោះឆ្នោតប្រឆាំងទល់នឹង៣០៦រូបដែលគាំទ្រ។ ក្រោយការបោះឆ្នោតលោកស្រីTHERESA MAYថ្លែងថា សភាបន្តផ្ដល់ទំនុកចិត្តលើរដ្ឋាភិបាលនេះ ហើយខ្ញុំត្រៀមធ្វើការជាមួយសមាជិកសភាណាក៏ដោយ ដើម្បីប្រកាន់ពាក្យសន្យារបស់ខ្ញុំចំពោះBREXIT និងដើម្បីបញ្ជាក់ថាសភានៅប្រកាន់ទំនុកចិត្តរបស់ប្រជាជនអង់គ្លេស។
ទោះបីយ៉ាងណាការជជែកគ្នានៅពុំទាន់បញ្ចប់ឡើយក្នុងសភា។ លោកស្រីMAYសន្យាជួបជាមួយពួកអ្នកប្រឆាំង។ ប្រមុខគណបក្សប្រឆាំងលោកJEREMY CORBYNនិយាយថា មុនពេលការពិភាក្សាវិជ្ចមាននានា អាចបើកធ្វើរដ្ឋាភិបាលត្រូវលុបចោលរាល់ទស្សនៈវិស័យនៃBREXITដោយគ្មានកិច្ចព្រមព្រៀងនិងភាពច្របូកច្របល់ដែលនឹងមាន។
ចាប់ពីពេលនេះទៅនាយករដ្ឋមន្ត្រីអង់គ្លេសមានពេលរហូតដល់ថ្ងៃទី២១មករា ដើម្បីចរចាពីផែនការថ្មី ដែលត្រូវដាក់ជូនសុំការយល់ព្រមរបស់សភា៕
ចែករំលែកព័តមាននេះ