តាមប្រភពពីOddity Central បានឱ្យដឹងថា ក្រុមអ្នកស្រាវជ្រាវនៅសាកលវិទ្យាល័យ South Australia បានអះអាងថា រកឃើញសារធាតុម្យ៉ាង នៅក្នុងដីឥដ្ឋមួយប្រភេទអាចមានសមត្ថភាពស្រូបយកជាតិខ្លាញ់ចេញពីពោះវៀនបាន ដែលអាចឱ្យមនុស្សស្រកទម្ងន់បានយ៉ាងមានប្រសិទ្ធភាព…
តាមប្រភពពីOddity Central បានឱ្យដឹងថា ក្រុមអ្នកស្រាវជ្រាវនៅសាកលវិទ្យាល័យ South Australia បានអះអាងថា រកឃើញសារធាតុម្យ៉ាង នៅក្នុងដីឥដ្ឋមួយប្រភេទអាចមានសមត្ថភាពស្រូបយកជាតិខ្លាញ់ចេញពីពោះវៀនបាន ដែលអាចឱ្យមនុស្សស្រកទម្ងន់បានយ៉ាងមានប្រសិទ្ធភាព ។
ក្រុមអ្នកស្រាវជ្រាវដែលដឹកនាំដោយបេក្ខជនថ្នាក់បណ្ឌិត Tahnee Dening បានធ្វើការសិក្សាទៅលើការជួយជម្រុញសកម្មភាពរបស់ថ្នាំពេទ្យ តាមរយៈការប្រើប្រាស់ដីឥដ្ឋ ។ ការសិក្សានោះ មិនបានឱ្យផលដូចជាការរំពឹងទុកឡើយ ដោយសារតែវាមិនបានជួយជម្រុញសកម្មភាពថ្នាំនោះទេ ។ ផ្ទុយទៅវិញ គេឃើញថា វាបានជួយស្រូបយកសារធាតុខ្លាញ់ ដែលមាននៅក្នុងពោះវៀនទៅវិញ ។
យោងតាមការរកឃើញនេះ លោកស្រី Dening មានជំនឿចិត្តថា វាអាចនឹងជាថ្នាំព្យាបាលជំងឺធាត់យ៉ាងមានប្រសិទ្ធភាព ។ លោកស្រីបានប្រាប់ថា សារធាតុមាននៅក្នុងដីឥដ្ឋ មានសមត្ថភាពអាចស្រូបខ្លាញ់ពីក្នុងពោះវៀន ហើយថែមទាំងការពារមិនឱ្យពោះវៀនយើងស្រូបខ្លាញ់ពីចំណីអាហារថែមទៀតផង។ ដូចនេះ អ្នកធាត់នឹងត្រូវចុះទម្ងន់ ដោយគ្មានចម្ងល់នោះទេ។
នៅក្នុងការស្រាវជ្រាវនោះ លោកស្រីបានធ្វើការពិសោធន៍ទៅលើកណ្តុរបីក្រុម ។ ក្រុមទីមួយ បានឱ្យសារធាតុក្នុងដីឥដ្ឋ ដែលហៅថា Montmorillonite ។ ក្រុមទីពីរ ជាក្រុមមិនផ្តល់អ្វីទាំងអស់។ ក្រុមចុងក្រោយ គឺមានប្រើថ្នាំសម្រកទម្ងន់ Orlistat។
ជាលទ្ធផលគេឃើញថា សារធាតុនៅក្នុងដីឥដ្ឋមានប្រសិទ្ធភាពខ្លាំងជាងថ្នាំសម្រកទម្ងន់ទៅទៀត។ ពិតជាអស្ចារ្យណាស់! បើអស្ចារ្យម្លឹងៗ តើមាននរណាគេហ៊ានសាកដែរឬទេ?
ចែករំលែកព័តមាននេះ