ខេត្តស្ទឹងត្រែង ៖ តាមការអះអាងរបស់អាជ្ញាធរខេត្តស្ទឹងត្រែងលោក ម៉ុម សារឿន បញ្ជាក់ថា ឃុំព្រះរំកិល ស្រុកថាឡាបរិវ៉ាត់ មានចំនួន៣ភូមិនឹងទទួលបានការទម្លាក់បណ្តាញផ្គត់ផ្គង់អគ្គីសនីឆាប់ៗក្នុងរយៈ២ឆ្នាំខាងមុខ ។
ថ្លែងបែបនេះនាពិធីចែកផ្ទាំងសូឡាប្រើដោយកម្លាំងថាមពលពន្លឺព្រះអាទិត្យសម្រាប់ ប្រើប្រាស់ជាបណ្តោះអាសន្នដល់ពលរដ្ឋចំនួន ៣៨០ផ្ទាំងចំនួន៣ភូមិ ក្នុងឃុំព្រះរំកិល ដែលជាអំណោយរបស់អង្គភាពអគ្គិសនីកម្ពុជា ។
លោក ម៉ុម សារឿន អភិបាលខេត្តស្ទឹងត្រែងបានលើកហេតុផលនឹងសន្យាទៅកាន់ពលរដ្ឋរប់រយគ្រួសារនោះថាយ៉ាងយូរយៈ ពេល២ឆ្នាំខាងមុខទៀត ភូមិទាំងនេះ និងអាចមានភ្លើងអគ្គិសនីប្រើប្រាស់ដូចគេឯងជាក់ជាមិនខាន ។
លោកថា ភូមិទាំង៣ដែលបានទទួលផ្ទាំងសូឡានៅពេលនេះ មានភូមិកោះឈើ ទាលតូច ភូមិកោះឈើទាលធំ និងភូមិកោះល្ង ដែលស្ថិតក្នុងឃុំព្រះរំកិល ស្រុកថាឡាបរិវ៉ាត់ ស្ថិតនៅតាមបន្ទាត់ព្រំដែនខ្មែរ-ឡាវ ភាគឦ សាន ។
យោងទៅតាមលក្ខណៈភូមិសាស្ត្រជាក់ ស្តែងខេត្តស្ទឹងត្រែង ជាខេត្តសម្បូរទៅដោយកោះ និងទន្លេ ដែលធ្វើអោយមានភាពស្មុក ស្មាញលំបាកក្នុងការតភ្ជាប់បណ្តាញអគ្គីសនីទៅដល់គ្រប់ទីកន្លែងបានដោយងាយនោះទេ ។ ដូចជាភូមិទាំង៣ខាងលើ គឺស្ថិតនៅលើកោះ ហើយដាច់ស្រយ៉ាលពីទីរួមខេត្តទៀត ។
ដូច្នេះអាជ្ញាធរបានសម្រេចយកផ្ទាំងសូឡាដែលប្រើប្រាស់ថាមពលដោយពន្លឺព្រះអាទិត្យទៅចែកជូនពលរដ្ឋដើម្បីប្រើប្រាស់ជាបណ្តោះ អាសន្នសិន ទម្រាំរកមធ្យោបាយអូសបណ្តាញអគ្គីសនីចូលបាន ៕
ចែករំលែកព័តមាននេះ