តម្រូវការរបស់អតិថិជនសម្រាប់ប្រភេទរថយន្ត Crossover (ប្រភេទដូចស៊េរី RX300 ឬRX330) គឺមានភាពទៅមុខជានិច្ច ហើយក្រុមហ៊ុនផលិតរថយន្តVolkswagen ក៏បាននិងកំពុងសប្បាយក្នុងការផ្គត់ផ្គង់ដល់តម្រូវការទាំងនោះមិនហត់នឿយឡើយ ។ ខណៈពេលដែលភាគច្រើននៃរថយន្តអេឡិចត្រូនិកនាពេលខាងមុខនេះ ត្រូវជាប្រភេទរថយន្តដឹកអ្នកដំណើរ គេរំពឹងថានឹងមានរថយន្តប្រើអគ្គិសនីប្រភេទ SUV នៅឆ្នាំ២០២២ ។
ខណៈពេលដែលភាគច្រើននៃរថយន្តអេឡិចត្រូនិកនាពេលខាងមុខនេះ ត្រូវជាប្រភេទរថយន្តដឹកអ្នកដំណើរ គេរំពឹងថានឹងមានរថយន្តប្រើអគ្គិសនីប្រភេទ SUV នៅឆ្នាំ២០២២ ។
យើងបានដឹងរួចមកហើយថារថយន្តរបស់ VW ដែលជាប្រភេទ Crossover ប្រើប្រាស់អគ្គិសនី ម៉ាក ID Crozz នឹងមកដល់នៅពេលខាងមុខ ជាមួយនឹងតម្លៃមិនសូវជាធូរប៉ុន្មានទេ ។ តែក្រុមហ៊ុនVW ក៏បានគិតគូរដល់អ្នកមិនសូវធូរធារផងដែរ ដោយពួកគេនឹងចេញលក់ម៉ូដែលIDមួយទៀតដែលជាប្រភេទHatchback (ប្រភេទដូច Prius) ។ វានឹងដាក់ចូលក្នុងសង្វាក់ផលិតកម្មនៅចុងឆ្នាំនេះ ។
ព័ត៌មានលំអិត គឺមិនទាន់មានគ្រប់គ្រាន់នៅឡើយទេ ប៉ុន្តែការបោះពុម្ភផ្សាយបានឱ្យយើងដឹងថា ប្រភេទCrossover អេឡិចត្រូនិចតូចៗនឹងមានទំហំប្រហាក់ប្រហែលនឹង T-Cross ដែលមានប្រវែង១៣,១ហ្វីត ឬប្រមាណជាង៣មែ៉ត្រ ។ ប្រសិនបើគេទទួលបានការយល់ព្រមឱ្យផលិត SUV ខ្នាតតូច វានឹងអាចមានទំហំខាងក្នុងធំជាងរថយន្ត T-Roc ទៅទៀត ។
រថយន្តប្រភេទ SUV ប្រើអគ្គិសនីរបស់ VW ក៏នឹងត្រូវបានបំពាក់ជាមួយអាគុយកម្លាំង ៤៨គីឡូវ៉ាត់ម៉ោងផងដែរ ។ ថ្វីបើវាមានទំហំអាគុយរបស់ Chevrolet Bolt ដែលមានទំហំ ៦០គីឡូវ៉ាត់ម៉ោងក៏ដោយ វាអាចឱ្យរថយន្ត VW បើកបានចម្ងាយ២០៥ម៉ាយ ឬស្មើនឹងជាង៤០០គីឡូម៉ែត្រ ក្នុងការសាកម្ដង ។
កម្លាំងអាគុយដែលបំពាក់លើរថយន្តភាគច្រើនរបស់ស៊េរីMEB អាចឱ្យរថយន្តធ្វើដំណើរបានចម្ងាយផ្លូវ២៨០ម៉ាយក្នុងការសាកអាគុយម្តង។ ចំពោះម៉ូដែលលើហ្នឹងវិញ គឺអាចបើកបរបានចម្ងាយដល់ ៣៤១ម៉ាយ ឬជាង៥០០គីឡូម៉ែត្រ ។
AutoExpress បាននិយាយថា តម្លៃរបស់រថយន្តថ្មីនេះនឹងស្ថិតនៅប្រហែល២ម៉ឺន៥ពាន់ដុល្លារតែប៉ុណ្ណោះ ដែលអាចឱ្យមនុស្សជាច្រើនមានលទ្ធភាពអាចទិញបាន ៕
ចែករំលែកព័តមាននេះ