Barcelona ថាមិនបានទាក់ទងជាមួយឪពុក Neymar តែបើនិយាយឯកជនមាន
តាមប្រភពព័ត៌មាន Goal បានឱ្យដឹងថា ក្លិបអ្នកមានបុណ្យ Barcelona បានច្រានចោលពាក្យចចាមអារាមថា ឪពុករបស់កីឡាករ Neymar មកនិយាយចចារជាមួយនឹងក្លិបដើម្បីឱ្យ Neymar…
តាមប្រភពព័ត៌មាន Goal បានឱ្យដឹងថា ក្លិបអ្នកមានបុណ្យ Barcelona បានច្រានចោលពាក្យចចាមអារាមថា ឪពុករបស់កីឡាករ Neymar មកនិយាយចចារជាមួយនឹងក្លិបដើម្បីឱ្យ Neymar ចូលមកលេងវិញ ។
នៅក្នុងសន្និសីទកាសែតកាលពីថ្ងៃអង្គារ អ្នកតំណាងរបស់ក្លិប Barcelona លោក Josep Vives បានបដិសេធថា គ្មានការសន្ទនាគ្នារវាងខ្លួនជាមួយនឹងឪពុករបស់ Neymar ឡើយ ។
លោក Vives និយាយថា ៖«វាមិនពិតនោះទេ ។ ការនិយាយជាឯកជនធម្មតាអាចមាន ។ តែវាមិនមែនជាការនិយាយជាផ្លូវការឡើយ ។ Neymar គឺជាកីឡាករខ្លាំង តែគេមានជាប់កុងត្រាជាមួយនឹង PSG ហើយគ្មានអ្វីដែលត្រូវទៅទាក់ទងទេ» ។
លោកបានបន្តថា ៖«Neymar ជាប់កុងត្រា ហើយត្រូវមានកាតព្វកិច្ចជាច្រើនទៀតដែលត្រូវធ្វើជាមួយនឹង PSG ។ យើងគិតតែពីកីឡាករខ្លាំងៗរបស់យើងទេ នៅពេលនេះ» ។
គួរបញ្ជាក់ផងដែរថា Neymar បានចាកចេញពីក្លិបអ្នកមានបុណ្យ Barcelona ដែលខ្លួនមានមនុស្សស្គាល់ជិតស្និទ្ធជាច្រើន ទៅកាន់ក្លិបអ្នកមានបារាំង ដែលហ៊ានជះលុយ២២២លានអឺរ៉ូមកលើខ្លួន ៕
ចែករំលែកព័តមាននេះ