ព្រះអរហន្តខីណាស្រពលោកមិនដែលមើលទោសកំហុសអ្នកដទៃទេ ចិត្តរបស់លោកជាចិត្តបរិសុទ្ធ រមែងមើលឃើញតែសេចក្ដីល្អរបស់អ្នកដទៃ ។ ចំណែកសាមញ្ញជនមិនដូច្នោះទេ ច្រើនតែមានចិត្តប្រកាន់ទោសអូសដំណើរ ថ្នាំងថ្នាក់ ចងចិត្តប្រទូស្ត និងបង្កបញ្ហាផ្សេងៗទៅលើអ្នកដទៃ ។…
ព្រះអរហន្តខីណាស្រពលោកមិនដែលមើលទោសកំហុសអ្នកដទៃទេ ចិត្តរបស់លោកជាចិត្តបរិសុទ្ធ រមែងមើលឃើញតែសេចក្ដីល្អរបស់អ្នកដទៃ ។
ចំណែកសាមញ្ញជនមិនដូច្នោះទេ ច្រើនតែមានចិត្តប្រកាន់ទោសអូសដំណើរ ថ្នាំងថ្នាក់ ចងចិត្តប្រទូស្ត និងបង្កបញ្ហាផ្សេងៗទៅលើអ្នកដទៃ ។
មានចំណុចខ្លះដែលយើងគួរពិចារណា ជាទូទៅមនុស្សយើងចូលចិត្តមើលផ្កា មើលរូបស្អាតផ្សេងៗ ប៉ុន្តែបែរជាអ្នកខ្លះមិនចូលចិត្តមើលសេចក្ដីល្អរបស់អ្នកដទៃទៅវិញ។ ចំណែកឯលាមកជាដើម ជារបស់ស្មោកគ្រោក របស់ស្អុយអសោចិ៍មិនត្រូវការមើលឡើយ ប៉ុន្តែបែរជាចូលចិត្តសម្លឹងមើលសេចក្ដីអាក្រក់ អំពើលាមក ឬទោសកំហុសរបស់អ្នកដទៃទៅវិញ វាជារឿងគួរទេ ។
ការរៀនសម្លឹងមើលសេចក្ដីល្អរបស់អ្នកដទៃ នឹងនាំឱ្យយើងកាត់បន្ថយនូវការខឹងស្អប់ និងមានឱកាសកើតឡើងនូវមេត្តាចិត្តបាន។ ត្រូវដឹងថា មេត្តាជាគ្រឿងទ្រទ្រង់លោក ចំណែកព្យាបាទជាគ្រឿងដុតលោក ។
ចែករំលែកព័តមាននេះ