ក្នុងការរស់នៅកូនត្រូវត្រៀមកាយ ត្រៀមចិត្ត ត្រៀមទាំងគំនិតគិតទុកឱ្យបានមុនបញ្ហាចូលមកដល់ ។ អ្នកដែលមានស្មារតីត្រៀមទុកជាមុនដូចនេះ ព្រះសម្ពុទ្ធទ្រង់ត្រាស់ថា ជាអ្នកមិនប្រមាទ ។ បុគ្គលដែលមិនប្រមាទ គឺជាមនុស្សដែលមិនមានការធ្វេសប្រហែសមិនអាងថាមិនអី…
ក្នុងការរស់នៅកូនត្រូវត្រៀមកាយ ត្រៀមចិត្ត ត្រៀមទាំងគំនិតគិតទុកឱ្យបានមុនបញ្ហាចូលមកដល់ ។ អ្នកដែលមានស្មារតីត្រៀមទុកជាមុនដូចនេះ ព្រះសម្ពុទ្ធទ្រង់ត្រាស់ថា ជាអ្នកមិនប្រមាទ ។
បុគ្គលដែលមិនប្រមាទ គឺជាមនុស្សដែលមិនមានការធ្វេសប្រហែសមិនអាងថាមិនអី គឺតែងត្រៀមបុណ្យកុសល ត្រៀមអ្វីៗក្នុងដំណើរជីវិតទុកមុនជាស្រេច ។
អ្នកមិនប្រមាទក៏បានគិតទុកជាស្រេចហើយដែរ លុះដល់ពេលរឿងនោះមកដល់ ចិត្តរមែងស្ងប់រម្ងាប់មិនញាប់ញ័រទៅតាមបញ្ហា គឺចិត្តនៅនឹងថ្កល់ដូចភ្នំថ្មតាន់ មិនកម្រើកញាប់ញ័រទៅតាមព្យុះខ្យល់បក់បោកឡើយ ។
ព្រោះហេតុនោះចូរកូនកុំប្រមាទក្នុងជីវិត កុំធ្វើឲ្យប្រយោជន៍បាត់បង់ទៅដោយទទេ គឺការប្រយ័ត្ននៅតែជាប់តាមខ្លួនកូនជានិច្ច នោះកូននឹងជាមនុស្សល្អរហូត ។
ចូរកូនចាំចុះថា មិនមានអ្នករួមដំណើរណាក្នុងជីវិត ដែលនាំមកនូវការរីករាយឲ្យដូចជាខ្លួនកូនជាមនុស្សល្អនោះឡើយ។ ដូច្នេះកូនត្រូវតែរួមដំណើរជាមួយនឹងខ្លួនឯងជាមនុស្សល្អជានិច្ច ។ (សៀវភៅពាក្យពេចន៍ម៉ែឪ)
ចែករំលែកព័តមាននេះ