តុលាការដាណឺម៉ាក បានកាត់ទោសបុរសអាយុ៥០ឆ្នាំម្នាក់ ពីបទរំលោភកូនស្រីអាយុ២០ឆ្នាំ នៅក្នុងរាត្រីរៀបអាពាហ៍ពិពាហ៍របស់ខ្លួនជាមួយប្រពន្ធក្រោយ ។ តុលាការកាលពីពេលថ្មីៗកន្លងមកបានកាត់ឲ្យជាប់គុករយៈពេល២ឆ្នាំ និង៦ខែ ។
បុរសជាឪពុក និងកូនស្រី មិនបានទាក់ទងគ្នាអស់រយៈពេលជាច្រើនឆ្នាំមកហើយ ព្រោះតែទំនាស់ក្នុងក្រុមគ្រួសារ និងទើបទាក់ទងគ្នាជាថ្មីក្នុងពេលបុណ្យគ្រីស្មាស់ឆ្នាំ២០១៦ ។ ក្រោយមកឪពុកបានអញ្ជើញកូនស្រីចូលរួមក្នុងពិធីរៀបអាពាហ៍ពិពាហ៍របស់ខ្លួន ។ នៅយប់នោះនារីជាកូនស្រីបានស្រវឹងជោកជាំ ។ នៅវេលារំលងអធ្រាត្រ ឪពុកបានចូលដេកនៅក្បែរកូនស្រី ដោយនាងមិនដឹងខ្លួនទេ ។
នៅក្នុងឯកសាររបស់តុលាការបញ្ជាក់ថា នៅវេលាម៉ោង៤និង៤៥នាទីទៀបភ្លឺ នៃថ្ងៃកើតហេតុមានរឿងភ្ញាក់ផ្អើលមួយកើតឡើង គឺនៅពេលឪពុកលូកដៃចាប់ឱបកូនស្រី ហើយនាងស្រែកឲ្យឈប់ និងព្យាយាមក្រោកឡើង ។ ទោះជាយ៉ាងណាក្តី ឪពុកបានយកដៃសង្កត់ទ្រូង និងរួមរ័ក ទោះបីកូនស្រីស្រែកឲ្យឈប់ ក៏មិនស្តាប់ដែរ ។
តុលាការបញ្ជាក់ថា មូលហេតុដែលកូនស្រីការពារខ្លួនមិនបាន ព្រោះតែនាងស្រវឹង ៕
ចែករំលែកព័តមាននេះ