ខេត្តសៀមរាប ៖ ការធ្វើជាម្ចាស់ផ្ទះកិច្ចប្រជុំក្រុមប្រឹក្សាវប្បធម៌អាស៊ី (ACC) របស់កម្ពុជាបង្ហា ញថា កម្ពុជាបញ្ចប់វប្បធម៌សង្គ្រាមបង្កើតវប្បធម៌សន្តិភាពថ្មីនៅកម្ពុជា ។ នេះបើតាមព្រះរាជ សាររបស់ព្រះបាទនរោត្តមបរនាថសីហមុនី ព្រះមហាក្សក្រនៃព្រះរាជណាកម្ពុជា ។
ព្រះរាជាសារដែលអានដោយលោក កឹមរ័ត្ន វិសិដ្ឋ រដ្ឋលេខាធិការទីស្តីការគណៈ រដ្ឋមន្ត្រីនៅក្នុងពិធីប្រកាសជាផ្លូវការក្រុមប្រឹក្សាវប្បធម៌អាស៊ី នៅព្រឹកថ្ងៃទី១៥ មករា ឆ្នាំ២០១៩ នៅសណ្ឋាគាសុខាសៀមរាប បានមានខ្លឹមសារយ៉ាងដូច្នេះថា « ខ្ញុំពិតជាមានសេចក្តីរីករាយចំពោះ តម្លៃ និងភាពសុខដុមរមនា និងការគោរពចំពោះភាពចម្រុះបែបដែលជម្រុញឲ្យមានគោលការណ៍ផ្តួចផ្តើមនៃក្រុមប្រឹក្សាវប្បធម៌អាស៊ីដែលត្រូវប្រកាសជាផ្លូវការនៅថ្ងៃនេះ» ។
ព្រះរាជសារបន្តថា ការប្រកាន់ភ្ជាប់នូវគោលការណ៍ទាំងនេះនាំឲ្យកម្ពុជាបង្កើតវប្បធម៌ សន្តិភាពថ្មីមួយ ដើម្បីបញ្ចប់វប្បធម៌សង្គ្រាមដែលធ្លាប់កើតមានពីអតីតកាល និងបន្តមកដល់ពេលបច្ចុប្បន្នក្នុងតំបន់មួយចំនួននៅអាស៊ី ក្នុងនោះប្រទេសកម្ពុជាក៏បានធ្លាប់រងទុក្ខជាច្រើនទស្សវត្សកន្លងមករហូតដល់ឆ្នាំ១៩៩៨ ។ ឆ្នាំ៩៨ជាពេលដែលកម្ពុជាទទួលសន្តិភាពដោយលំបាកនូវការស្តាឡើងវិញនៅសន្តិសុខ សុវត្ថិភាព និងនាំមកនូវភាពរុងរឿងសម្រាប់កម្ពុជា ។
ព្រះរាជសារបានក៏បានអរគុណអង្គការអាខាប់ក្រុមប្រឹក្សាវប្បធម៌អាស៊ីដែលមានគំនិតដ៏ឈ្លៀសវៃ ក្នុងការចាប់ដៃជាមួយអង្គការយូណេស្កូ ដើម្បីបង្កើតកិច្ចសហប្រតិបត្តិការលើកកម្ពុជាវិធីផ្នែកវប្បធម៌ និងសកម្មភាពដ៏ទៀតសម្រាប់ផលប្រយោជន៍មនុស្សជាតិ ។
ព្រះរាជសារបន្ថែមថា វប្បធម៌ និងសម្បត្តិបេតិកភណ្ឌ គឺជាបេះដូង និងព្រលឹងនៃប្រជាជនកម្ពុជា ហើយកម្ពុជាពិតជាមានកិត្តិយស និងមោទនភាពក្នុងការរៀបចំពិធីប្រកាសក្រុមប្រឹក្សាវប្បធម៌អាស៊ីជាផ្លូវការនៅសៀមរាបអង្គរទឹកដីនៃរមណីយដ្ឋានបេតិកភណ្ឌពិភពលោក ។
ភាពសុខដុមរមនា គឺជាស្មារតីដ៏សំខាន់នៃអរិយធម៌អង្គរដ៏អស្ចារ្យដូចដែលមានបង្ហាញតាមរយៈចម្លាក់នៅតាមប្រាង្គប្រាសាទរាប់រយ និងបូជនីយដ្ឋានផ្សេងៗ ដែលមិនត្រឹមតែមាននៅក្នុងឧទ្យានអង្គរប៉ុណ្ណោះទេ ប៉ុន្ដែថែមទាំងឃើញមាននៅប្រាសាទព្រះវិហារ និងប្រាសាទសំបូរព្រៃគុកដែលសុទ្ធតែជាសម្បត្តិបេតិកភណ្ឌពិភពលោកផងដែរ ។
ដោយទទួលឥទ្ធិពលពីអរិយធម៌ឥណ្ឌា ភាពសុខដុមរមនានេះបានរីកសុះសាយលើសពីព្រំដែននៃព្រះរាជាអាណាចក្រខ្មែរ ហើយបានជំរុញឱ្យសាសនា និងនិកាយផ្សេងៗអាចរស់នៅជាមួយគ្នាយ៉ាងជិតស្និទ្ធ ។
ដោយបានឆ្លងកាត់ពេលវេលាដ៏យូរលង់ភាពសុខដុមរមនានេះនៅតែបន្តមានរហូតមកដល់បច្ចុប្បន្នក្នុងទម្រង់ផ្សេងៗជាច្រើននៃសម្បត្តិបេតិកភណ្ឌអរូបិយ ។ តាមរយៈប្រវត្តិសាស្ត្រកន្លងមកយើងមានភ័ស្តុតាងច្រើនអំពីទំនាក់ទំនងអរិយធម៌ដ៏រស់រវើកជាមួយប្រេសិត និងអ្នកជំនួញបរទេសដូចដែលមានតឹកតាំងនៅតាមចម្លាក់លើប្រាង្គប្រាសាទ តាមរបកគំហើញបុរាណវិទ្យា និងកំណត់ហេតុរបស់អ្នកដំណើរផ្សេងៗ ដូចជា បេសកជនចិនដ៏ល្បីឈ្មោះម្នាក់ គឺលោក ជីវ តាក្វាន់ នៅឆ្នាំ១២៩៦-១២៩៧ ជាដើម ។
សួមជម្រាបថា កម្ពុជាធ្វើម្ចាស់ផ្ទះកិច្ចប្រជុំវប្បធម៌អាស៊ី (ACC) បានបង្ហាញថាទី១- កម្ពុជាមានផ្នែកការទូតរីកចម្រើនខ្លាំងពីមួយឆ្នាំទៅមួយឆ្នាំ ហើយត្រូវបានអន្តរជាតិទទួលស្គាល់យ៉ាងខ្លាំង ។ ទី២- បង្ហាញថា កម្ពុជារក្សាបាននូវបេតិកភណ្ឌជាតិ ទាំងផ្នែករូបបិយ៍ និងអរូបបិយ៍ដល់បណ្តាប្រទេសអន្តរជាតិ (អីញ្ចឹងវាជួយដល់កម្ពុជាក្នុងការឲ្យអន្តរជាតិមើលឃើញថា កម្ពុជាជាប្រទេសមួយគំរូក្នុងការថែរក្សាបេតិកណ្ឌរូបបិយ និងអរូបបិយ) ទី៣- ទាក់ទាញភ្ញៀវ ទេសចរណ៍មកទស្សនាកម្ពុជាបានកាន់តែច្រើន ។ (បង្ហាញកម្ពុជាមានទេចរណ៍ធម្មជាតិ និងទេសចរណ៍សម្បត្តិវប្បធម៌មានច្រើន) ទី៥-ទាក់ទាញអ្នកវិនោយោគគិនមកកម្ពុជាកាន់តែច្រើន ៕
ចែករំលែកព័តមាននេះ