យើងប្រាកដណាស់ថា បច្ចេកវិទ្យានឹងអាចជួយសម្រួលដល់ជីវភាពប្រចាំថ្ងៃកាន់តែប្រសើរឡើងជាលំដាប់ ។ ពេលខ្លះការងារដែលបច្ចេកវិទ្យាទំនើបអាចធ្វើបាន គឺល្អជាងអ្វីដែលមនុស្សជាអ្នកធ្វើទៅទៀត ។ ហេតុដូចនេះហើយ ដោយមិនចាំបាច់ត្រូវចំណាយកម្លាំងមនុស្សច្រើន បច្ចេកវិទ្យាមួយចំនួនកំពុងធ្វើឱ្យការងាររបស់មនុស្សដែលកំពុងធ្វើ ត្រូវបាត់បង់…
យើងប្រាកដណាស់ថា បច្ចេកវិទ្យានឹងអាចជួយសម្រួលដល់ជីវភាពប្រចាំថ្ងៃកាន់តែប្រសើរឡើងជាលំដាប់ ។ ពេលខ្លះការងារដែលបច្ចេកវិទ្យាទំនើបអាចធ្វើបាន គឺល្អជាងអ្វីដែលមនុស្សជាអ្នកធ្វើទៅទៀត ។ ហេតុដូចនេះហើយ ដោយមិនចាំបាច់ត្រូវចំណាយកម្លាំងមនុស្សច្រើន បច្ចេកវិទ្យាមួយចំនួនកំពុងធ្វើឱ្យការងាររបស់មនុស្សដែលកំពុងធ្វើ ត្រូវបាត់បង់ ។ តើ២០ឆ្នាំទៅមុខ មានការងារណាខ្លះទៀត ដែលនឹងត្រូវជំនួសដោយបច្ចេកវិទ្យា ? ខាងក្រោមនេះ ជាការងារដែលកំពុងប្រឈមនឹងបាត់បង់ជាបណ្ដើរៗ ៖
១. តៃកុងឡាន ៖ ការងារជាអ្នកបើកតាក់ស៊ី, អ្នកបើករថយន្ដក្រុង, អ្នកបើកត្រាក់ទ័រ និងអ្នកដឹកជញ្ជូន នឹងត្រូវជំនួសដោយបច្ចេកវិទ្យាបើកបរដោយស្វ័យប្រវត្តិ។ ជាឧទាហរណ៍ស្រាប់ រដ្ឋាភិបាលអាល្លឺម៉ង់ពេលនេះបានសម្រេចរួចហើយក្នុងការគាំទ្របច្ចេកវិទ្យានេះឱ្យមានដំណើរការនៅក្នុងប្រទេសខ្លួន ។ ស្ទើរតែគ្រប់ក្រុមហ៊ុនផលិតរថយន្តទៅហើយ បានជះលុយទាំងគីបៗទៅលើការផលិតរថយន្តអគ្គិសនី ដែលមានបច្ចេកវិទ្យាបើកបរដោយគ្មានតៃកុង ។ ដូចនេះជាការពិតណាស់ ២០ឆ្នាំទៅមុខទៀត ទោះបីជាមិនមែនកើតនៅប្រទេសយើង ក៏នៅប្រទេសជឿនលឿនមួយចំនួនដែរ ។
២. អ្នកបោះពុម្ព ៖ កាសែតពេលនេះ ក៏កំពុងចុះប្រជាប្រិយភាពខ្លាំងដែរ ដោយសារតែអ្វីៗគឺស្ថិតនៅអនឡាញទាំងអស់ហើយ ។ អ្នកអាចអានកាសែតបានតាមរយៈវេបសាយ ដោយមិនចាំបាច់ត្រូវកាន់ក្រដាសទៀតទេ ។ សូម្បីតែសៀវភៅ ក៏ចាប់ផ្តើមមានជាលក្ខណៈអេឡិចត្រូនិកដែលអាចអាចបានតាម iPad ដែរ។ ដូចនេះនៅ២០ឆ្នាំទៅមុខទៀត ការងារជាអ្នករកស៊ីខាងបោះពុម្ពអាចនឹងជួយបញ្ហា ។
៣. អ្នកទទួលកក់ ៖ ការកក់សំបុត្រកុន សំបុត្រឡានក្រុង សំបុត្រយន្តហោះ និងបន្ទប់សណ្ឋាគារ ជាដើម ត្រូវបានធ្វើតាមរយៈអនឡាញជាបណ្តើរៗហើយ ដោយសារតែបច្ចេកវិទ្យាស្មាតហ្វូនទំនើប។ ចុះបើ២០ឆ្នាំខាងមុខ តើយើងត្រូវការមនុស្សមកធ្វើការផ្នែកនេះទៀតដែរឬទេ ?
៤. អ្នកផ្ដល់ព័ត៌មាននៅធនាគារ ៖ កាលពីមុន អ្នកដែលមានលុយនៅធនាគារ ត្រូវទៅជួបធនាគារឹក ដើម្បីធ្វើចលនាទឹកប្រាក់។ តែពេលនេះ គេអាចធ្វើរឿងទាំងនោះបានដោយគ្រាន់តែប្រើទូរស័ព្ទដៃ។ មនុស្សមិនចាំបាច់ទៅធនាគារច្រើនដូចមុនទេ ហើយក៏មិនសូវជាត្រូវការព័ត៌មានប្រាប់ពីមាត់មនុស្សដូចកាលពីមុនដែរ ។
៥. ជាងសំណង់ ៖ ជាងសំណង់ភាគច្រើនត្រូវការកម្លាំងបាយជាងកម្លាំងអ្វីៗទាំងអស់ ។ តែការប្រើកម្លាំងបាយនេះ ក៏ចាប់ផ្តើមកាត់បន្ថយបន្តិចម្តងៗដែរ ដោយការប្រើម៉ាស៊ីននិងឧបករណ៍ជំនួសវិញ។ ប្រសិនបើគ្រាន់តែមានកម្លាំង ហើយគ្មានជំនាញនោះ ពេលនេះគឺប្រាកដជាយ៉ាប់ហើយ ។ នៅ២០ឆ្នាំខាងមុខទៀត ការងារជាជាងសំណង់នឹងត្រូវជំនួសដោយម៉ាស៊ីនជាអ្នកលីសែងវិញម្តង ។
តើលោកអ្នកមានអារម្មណ៍យ៉ាងណាដែរ ក្រោយពីអានរួចរាល់ហើយ ? ការងារណាក៏មានតម្លៃដែរ តែយើងត្រូវខិតខំអភិវឌ្ឍន៍ខ្លួនជានិច្ច ដើម្បីឱ្យយើងអាចរស់នៅក្នុងសង្គម ដែលកំពុងទៅមុខលឿនបែបនេះ៕
ចែករំលែកព័តមាននេះ