ខេត្តតាកែវ ៖ ជនសង្ស័យម្នាក់ត្រូវបានប៉ូលិសស្រុកគិរីវង់ធ្វើការឃាត់ខ្លួនរួចកសាងសំណុំរឿងបញ្ជូនបន្តទៅកាន់ការិយាល័យប្រឆាំងការជួញដូរគ្រឿងខេត្តដើម្បីចាត់ការបន្ត ។ ហេតុការនេះបានកើតឡើងនៅថ្ងៃទី១៣ ខែមករា ឆ្នាំ២០១៩ វេលាម៉ោង០៨និង៥០នាទីយប់ ក្នុងភូមិពោខ្វិតឃុំព្រះបាទជាន់ជុំ ស្រុកគិរីវង់ ។
លោកវរសេនីយ៍ឯក យុគ សារ៉ាត់ អធិការនគរបាលស្រុកបានអោយដឹងថា ការចុះបង្ក្រាបករណីជួញដូរ និងប្រើប្រាស់សារធាតុញៀនខុសច្បាប់នេះ សមត្ថកិច្ចឃាត់ខ្លួនជនសង្ស័យចំនួន២នាក់មានទី១-ឈ្មោះ ព្រុំ ពៅ ហៅតយ ភេទប្រុស អាយុ១៩ឆ្នាំ មុខសញ្ញាជួញដូរសកម្មមានទីលំនៅនៅភូមិពោធិខ្វិត ឃុំព្រះបាទជាន់ជុំ ស្រុកគិរីវង់ និងទី២-ឈ្មោះ ប្រាក់ សត្យា ភេទប្រុស អាយុ២១ឆ្នាំ ជួញដូរ មានទីលំនៅភូមិពោធិខ្វិត ឃុំព្រះបាទជាន់ជុំ ស្រុកគិរីវង់ ។ រឹបអូសបានវត្ថុតាងម្សៅក្រាមថ្លាពណ៌សចំនួន១២កញ្ចប់តូច និង០១កញ្ចប់ធំ, ទូរស័ព្ទចំនួន០១គ្រឿង ។
នៅចំពោះមុខសមត្ថកិច្ចជនសង្ស័យបាននិយាយសារភាពថា រូបគេពិតជាបានរកស៊ីចែកចាយគ្រឿងញឿនពិតប្រាកដមែន ។ ពេលនេះកំពុងកសាងសំណុំរឿងដើម្បីបញ្ជូនជនសង្ស័យ និងវត្ថុតាងទៅកាន់សាលាដំបូងខេត្តចាត់ការតាមផ្លូវច្បាប់ ៕
ចែករំលែកព័តមាននេះ