ការដែលនាំឱ្យចិត្តបុគ្គលចេះតែច្រណែនឈ្នានីសអ្នកដទៃ មកអំពីគេមិនបានពិចារណាតាមព្រះពុទ្ធដីកាថា អ្នកណាៗក៏ធ្លាប់ជាសាច់ញាតិរបស់ខ្លួនដែរនៅក្នុងសង្សារវដ្ដនេះ ដូច្នេះបើយើងច្រណែន ឈ្នានីស ស្អប់ខ្ពើមនឹងអ្នកដទៃនោះ ហាក់ដូចជាស្អប់ខ្ពើមនឹងឪពុកម្តាយ បងប្អូនបង្កើតរបស់ខ្លួនដូច្នោះដែរ ។
ខាងក្រោមនេះជាទោសនៃសេចក្ដីច្រណែនឈ្នានីស៖
១-សេចក្ដីច្រណែនឈ្នានីសធ្វើឲ្យវិនាសចាកសីលគុណជាដើម
២-អំពើឈ្នានីសមិនអាចឃើញសច្ចធម៌បាន
៣-ចងចិត្តច្រណែន អាចធ្វើឲ្យខ្លួនវិនាសដូចភិក្ខុទេវទត្ត
៤-សេចក្ដីច្រណែនឈ្នានីស អាចធ្វើឲ្យខ្លួនចេះនិយាយញុះញង់
៥-អំពើច្រណែនឈ្នានីសអាចធ្វើឲ្យខ្លួនសម្លាប់គ្នានឹងសម្លាប់ខ្លួនឯងបាន
៦-ចងចិត្តឈ្នានីសអាចធ្វើឲ្យខ្លួនស្អប់មនុស្សល្អ
៧-សេចក្ដីច្រណែនអាចធ្វើឲ្យខ្លួនអស់ញាតិមិត្ត
៨-ការឈ្នានីសគេ អាចធ្វើឲ្យខ្លួនអស់កិត្តិយស
៩-បៀមក្តីច្រណែនជាប់ក្នុងចិត្ត មិនអាចធ្វើឲ្យខ្លួនញញឹមបានទេ
១០-សេចក្ដីច្រណែន អាចនាំឲ្យបែបបាក់ញាតិមិត្ត
១១-សេចក្ដីច្រណែន អាចធ្វើឲ្យខ្លួនសាងកម្មពៀរវេរាដ៏ច្រើន
១២-ព្រោះតែណែន អាចធ្វើឲ្យខ្លួនក្លាយជាមនុស្សវិកលចរិត
១៣-ទោសនៃសេចក្ដីច្រណែន អាចធ្វើឲ្យខ្លួនធ្លាក់ទៅកាន់អបាយភូមិ
១៤-សេចក្ដីច្រណែន អាចធ្វើឲ្យខ្លួនកើតក្នុងត្រកូលថោកទាប
១៥-សេចក្ដីច្រណែនហ្នឹងហើយជាចំណុចខ្សោយរបស់ខ្លួន
១៦-ច្រណែនឈ្នានីសគឺជាអកុសលប្រចាំជីវិត
១៧-សេចក្ដីច្រណែន អាចធ្វើឲ្យខ្លួនមានចិត្តរមិលគុណអ្នកដទៃ ។
ទាំងអស់នេះជាទោសនៃការច្រណែនឈ្នានីសគេ បើបុគ្គលយល់ច្បាស់ពីសេចក្តីពិតនៃការច្រណែននេះ គួរវៀរឱ្យដាច់ស្រឡះពីខន្ធសន្តាន ព្រោះសុទ្ធតែជាអំពើមិនល្អ ។
ចែករំលែកព័តមាននេះ