ខេត្តស្ទឹងត្រែង ៖ មិនដឹងថ្ងៃណាដឹកអស់ទេ ព្រោះច្រើនណាស់ទាំងនៅតាមគុម្ពោតព្រៃនិងវាលផ្សេងៗ ប្រមាណរាប់សែនម៉ែត្រគូបទៀតកំពុងត្រៀមដឹកបញ្ចូលឆាប់ៗនេះទៅក្នុងឃ្លាំងអតីត បាតអាង។ តាមការបញ្ជាក់ពីរដ្ឋបាលព្រៃឈើថា រថយន្តចេញពីរោងចក្រអារកែច្នៃបណ្តោះ អាសន្នសេសានចាប់តាំងពីថ្ងៃទី៥មករា ២០១៩រហូតមកទល់ថ្ងៃទី១២មករា២០១៩…
ខេត្តស្ទឹងត្រែង ៖ មិនដឹងថ្ងៃណាដឹកអស់ទេ ព្រោះច្រើនណាស់ទាំងនៅតាមគុម្ពោតព្រៃនិងវាលផ្សេងៗ ប្រមាណរាប់សែនម៉ែត្រគូបទៀតកំពុងត្រៀមដឹកបញ្ចូលឆាប់ៗនេះទៅក្នុងឃ្លាំងអតីត បាតអាង។
តាមការបញ្ជាក់ពីរដ្ឋបាលព្រៃឈើថា រថយន្តចេញពីរោងចក្រអារកែច្នៃបណ្តោះ អាសន្នសេសានចាប់តាំងពីថ្ងៃទី៥មករា ២០១៩រហូតមកទល់ថ្ងៃទី១២មករា២០១៩ មានចំនួន១៣៩គ្រឿងហើយក្នុងបរិមាណរាប់ម៉ឺនម៉ែត្រគូប ប៉ុន្តែយ៉ាងណាក៏ដោយមិនអស់ទេ ដោយសារអ្នកអះអាងថានៅតំបន់សម្អាតបាត អាងគ្មានឈើឡើយ នេះជាឈើដែលប្រមូលទិញពីតំបន់ជុំវិញកំពុងនាំចូលក្នុងឃ្លាំងដែលមានម៉ាស៊ីនកំពុងអារពេញ២៤ម៉ោង។
រដ្ឋបាលព្រៃឈើទីនោះបានអះអាងថា រថយន្តដឹកឈើចេញពីរោងចក្រអារកែច្នៃបណ្តោះ អាសន្នសេសានកំពុងដំណើរការជាប់ៗគ្នា រាល់ថ្ងៃដោយបានអនុវត្តទៅតាមលិខិតអនុញ្ញាតចេញពីមន្ទីរកសិកម្ម រុក្ខប្រមាញ់ និង នេសាទ ក្រោមការវាស់វែងដោយជំនាញរដ្ឋបាលព្រៃឈើក្នុងរថយន្ត ខ្នាតធំត្រឹម១៨ ម៉ែត្រគូបត្រីគុណ។
គោលដៅដែលបានចេញ ពីរោងចក្រអារកែច្នៃឈើបណ្តោះអាសន្នសេសានទាំងនោះត្រូវបានចែកចាយទៅតាម បណ្តាខេត្តរាជធានី ដូចជាខេត្តព្រៃវែង ខេត្តតាកែវ ខេត្តកំពត ខេត្តកំពុងស្ពឺ ខេត្តស្វាយរៀង និងភ្នំពេញ។
តាមការទម្លាយចេញពីផ្ទៃក្នុងថាឈើមូលនិងឈើបួនជ្រុង(ឃ្លុំ)នៅក្នុងរោងចក្រនិងតាមគុម្ពោតព្រៃនិងតាមជម្រៅទៅក្នុងមាត់កំពង់ទន្លេសេសសល់ឈើមិនទាន់ទាញចូលក្មុងក្រុមហ៊ុនបន្ថែមទេ ដោយសារកំពុង ដឹកឈើដែលអារទុកចេញមិនទាន់អស់។ ទាក់ទិនការដឹកញ្ជូនឈើចេញពីតំបន់ក្តៅនៃស្រុកសេសានក្បែទំបន់វ៉ារីអគ្គីសនីសេសានក្រោម២នៅតែជារឿងក្តៅ ដែលពុំមានអ្នកតំណាងឬអ្នកចេញមុខមកបក ស្រាយដើម្បីបំភ្លឺសកម្មភាពនោះឡើយ។ តែសម្រាប់ទិន្នន័យនៃការចរាចរណ៍រថយន្តចាប់តាំងពីថ្ងៃទី៥ដើមខែមករារហូតមកទល់ថ្ងៃទី១២មករានេះ រថយន្តវ៉េអង និងរថយន្តយីឌុប ចេញគ្មានថ្ងៃលស់ឡើយសរុបចំនួន១២៩គ្រឿង។
រដ្ឋបាលព្រៃឈើបានបញ្ជាក់ជាថ្មីទៀតថា នៅថ្ងៃទី៥ ខែមករា ឆ្នាំ២០១៩ មានចំនួន១២គ្រឿង ថ្ងៃទី ៦មានចំនួន១៤គ្រឿង ថ្ងៃទី៧មានចំនួន១៤ គ្រឿង ថ្ងៃទី៨មានចំនួន១៥គ្រឿង ថ្ងៃទី៩ចំនួន ១៦គ្រឿង ថ្ងៃទី១០ចំនួន១៩គ្រឿង ថ្ងៃទី១១ ចំនួន១៨គ្រឿង ថ្ងៃទី១២ចំនួន២១គ្រឿងនិងថ្ងៃទី១៣មានចំនួន១០គ្រឿង។ដែលចំនួនទិន្នន័យនេះសរុបច្រើនម៉ែត្រគូប ។ ព័ត៌មានបន្ថែម និងពិស្តារមានផ្សាយជូននៅកាសែតកោះសន្តិភាព ៕
ចែករំលែកព័តមាននេះ