រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កម្មករ-កម្មការិនីបានផ្ទុះកូដកម្មជាថ្មីម្តងទៀតនាព្រឹកថ្ងៃទី១៤ ខែមករា ឆ្នាំ២០១៩ នេះនៅមុខរោងចក្រ «ឡុង វីចថូរី អ៊ីនធើណេសិនណល…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កម្មករ-កម្មការិនីបានផ្ទុះកូដកម្មជាថ្មីម្តងទៀតនាព្រឹកថ្ងៃទី១៤ ខែមករា ឆ្នាំ២០១៩ នេះនៅមុខរោងចក្រ «ឡុង វីចថូរី អ៊ីនធើណេសិនណល (ខេមបូឌា) លីមីធីត» ដែលស្ថិតនៅភូមិទួលគោក សង្កាត់ទួលសង្កែ១ ខណ្ឌឬស្សីកែវ ។
តាមសេចក្តីរាយការណ៍បានឱ្យដឹងថា កម្មករ-កម្មការិនីផ្ទុះកូដកម្មនេះដោយសារតែថៅកែរោងចក្របានរើអីវ៉ាន់ចេញ ដោយក្រុមកម្មករ-កម្មការិនីទាមទារប្រាក់អតីតភាពការងាររបស់ខ្លួនពីថៅកែរោងចក្រដែលបានបញ្ឈប់ពួកគាត់ ។
តាមប្រភពពីកម្មករ-កម្មការិនីបានឱ្យដឹងថា ការធ្វើកូដកម្មនេះតាំងពីថ្ងៃទី១២ មករា មកម្ល៉េះក្រោយពីរោងចក្របានបញ្ឈប់កម្មករ-កម្មការិនីប្រមាណជា១៤០០នាក់ដោយនៅសល់កម្មករ-កម្មការិនីតែប្រមាណជា៤២០នាក់ប៉ុណ្ណោះ ហើយថៅកែរោងចក្របានរើ និងដឹកអីវ៉ាន់ចេញមិនមានដំណោះស្រាយទើបកម្មករ-កម្មការិនីទាំងនោះចេញមកមុខរោងចក្រតវ៉ាតែម្តងដើម្បីទាមទារឱ្យថៅកែរោងចក្រចេញមុខដោះស្រាយនូវប្រាក់អតីតភាពការងារ បើទោះបីជារោងចក្រត្រូវបិទក៏ដោយ ៕
ចែករំលែកព័តមាននេះ