ខេត្តបន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា ក្មេងប្រុសម្នាក់បានលង់ទឹកក្នុងស្រះវត្តឃស្ថារាម ហៅវត្តត្រាច ភូមិក្បាលស្ពាន១ សង្កាត់និងក្រុងប៉ោយប៉ែត បង្កការភ្ញាក់ផ្អើល នារសៀលថ្ងៃទី១៣ មករា…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា ក្មេងប្រុសម្នាក់បានលង់ទឹកក្នុងស្រះវត្តឃស្ថារាម ហៅវត្តត្រាច ភូមិក្បាលស្ពាន១ សង្កាត់និងក្រុងប៉ោយប៉ែត បង្កការភ្ញាក់ផ្អើល នារសៀលថ្ងៃទី១៣ មករា ២០១៩ ។
សេចក្តីរាយការណ៍បានបន្តថា ក្មេងរងគ្រោះឈ្មោះ ថា ចន្ត្រា ភេទប្រុស អាយុ៧ឆ្នាំ ។ ក្មេងប្រុសខាងលើត្រូវក្មេងប្រុសផ្សេង២ទៅ៣នាក់លេងជាមួយគ្នាប្រាប់ថា ឃើញរអិលជើងធ្លាក់ទឹក ដោយបន្សល់ខោអាវនៅមាត់ទឹកស្រះនោះទៀតផង ។ ស្ត្រីម្នាក់ឈ្មោះ អូច ជ្រូក អាយុ២៧ឆ្នាំ ជាម្តាយក្មេងរងគ្រោះប្រាប់ថា គាត់ និងប្តីកំពុងដេកថ្ងៃ ស្រាប់តែមានក្មេងប្រុសរត់ទៅប្រាប់ថា កូនលង់ទឹកពេលនាង និងប្តីទៅដល់មាត់ស្រះទឹកកន្លែងកើតហេតុ ស្រាប់តែឃើញតែខោអាវកូននៅមាត់ទឹកតែម្តង ។
ដោយនៅកន្លែងកើតហេតុគេឃើញមានមនុស្ស៣ទៅ៤នាក់កំពុងចុះរាវរកជនរងគ្រោះ ។ យ៉ាងណាក៏ដោយមកទល់ម៉ោង៣និង៣០នាទីរសៀលថ្ងៃដដែលមិនទាន់រកឃើញជនរងគ្រោះនៅឡើយទេ ហើយពេលនេះសាច់ញាតិកំពុងទាក់ទងសុំការអន្តរាគមន៍ជួយរកឧបករណ៍ ដើម្បីចុះរាវរកព្រោះស្រះទឹកក្នុងវត្តនោះជ្រៅ២ដៃម៉ៃខូ ដែលអ្នកចុះរាវរកមិនអាចមុខទឹកបានជ្រៅ ៕
ចែករំលែកព័តមាននេះ