អាជ្ញាធរថៃគ្រោងសាងសង់ខុនដូសម្រាប់ប្រជាជនក្រីក្រ
ទីក្រុងបាងកក ៖ អាជ្ញាធរកំពង់ផែប្រចាំប្រទេសថៃ (PAT) នឹងចំណាយប្រមាណ២៣០លានដុល្លារក្នុងការសាងសង់ខុនដូ៦.១៤៤យូនីតនៅតំបន់ Soi Trimitr លើផ្លូវ Rama IV…
ទីក្រុងបាងកក ៖ អាជ្ញាធរកំពង់ផែប្រចាំប្រទេសថៃ (PAT) នឹងចំណាយប្រមាណ២៣០លានដុល្លារក្នុងការសាងសង់ខុនដូ៦.១៤៤យូនីតនៅតំបន់ Soi Trimitr លើផ្លូវ Rama IV…
ទីក្រុងបាងកក ៖ អាជ្ញាធរកំពង់ផែប្រចាំប្រទេសថៃ (PAT) នឹងចំណាយប្រមាណ២៣០លានដុល្លារក្នុងការសាងសង់ខុនដូ៦.១៤៤យូនីតនៅតំបន់ Soi Trimitr លើផ្លូវ Rama IV សម្រាប់សហគមន៍ក្រីក្រចំនួន២៦ក្នុងសង្កាត់ Klong Toey ។ នេះបើតាមការចេញផ្សាយពីសារព័ត៌មានបាងកក បុ៉ស្ដិ៍ កាលពីថ្ងៃសុក្រ ម្សិលមិញ ។
យោងតាមអនុរដ្ឋមន្ត្រីដឹកជញ្ជូន លោក Pailin Chuchottaworn បានឲ្យដឹងថា វាជាគម្រោងទីមួយរបស់ PAT ក្នុងការដោះស្រាយបញ្ហាតំបន់ក្រីក្រ ។ គម្រោងសាកល្បងរបស់ភ្នាក់ងាររដ្ឋាភិបាលដទៃក៏កំពុងតែព្យាយាមដោះស្រាយបញ្ហាស្រដៀងនឹងនេះដែរ ។
គម្រោងនេះរួមមានអគារខុនដូ ២៥ជាន់ចំនួន៤ និងសរុបមានចំនួន៦.១៤៤យូនីត ។ អគារនីមួយៗមានចំនួន១.៥៣៦យូនីត និងមួយយូនីតមានទំហំ៣៣ម៉ែត្រការ៉េ ។ គម្រោងនេះក៏មានការិយាល័យសម្រាប់ជួល អគារសម្រាប់ការចតយានយន្ត ផ្សារ សាលារៀន បុស្តិ៍ប៉ូលិស និងហាងសម្រាប់ជួលជាដើម ។
ជាមួយគ្នានេះផងដែរ PAT បានស្នើដល់ក្រុមហ៊ុន PTT Exploration and Production Plc ឲ្យវិនិយោគលើការជួសជុលខ្សែរថភ្លើងដែលនឹងធ្វើឡើងដោយ State Railway of Thailand ដែរ ។ លោកបានបន្តថា ខុនដូនេះមិនមែនសម្រាប់តែសហគមន៍ទាំង២៦ លើដីរបស់PAT ទេ តែក៏សម្រាប់សហគមន៍ចំនួន៥ទៀតដែលនៅជិតទីនោះដែរ ។
ការដេញថ្លៃគម្រោងនឹងចាប់ផ្តើមក្នុងឆ្នាំ២០២០ ហើយការសាងសង់នឹងចាប់ផ្តើមក្នុងឆ្នាំតែមួយផងដែរ ។ គម្រោងនេះត្រូវបានគិតថា នឹងសម្រេចការសាងសង់ក្នុងឆ្នាំ ២០២២ ហើយPAT នឹងច្នៃមូដគម្រោងនេះ ព្រមទាំងចេញរបាយការណ៍បរិស្ថានមួយផង ដែរ ៕
ចែករំលែកព័តមាននេះ