បន្ទាយមានជ័យ ៖ ជនសង្ស័យជាជនជាតិចិន២នាក់ ត្រូវបានកម្លាំងកងរាជអាវុធហត្ថឃាត់ខ្លួនជំរឹតជនជាតិចិនទារលុយ១លានដុល្លារ និងប្រើអំពើហិង្សាត្រូវបានបញ្ជូនខ្លួនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី១៣ ខែមករា ឆ្នាំ២០១៩ ។…
បន្ទាយមានជ័យ ៖ ជនសង្ស័យជាជនជាតិចិន២នាក់ ត្រូវបានកម្លាំងកងរាជអាវុធហត្ថឃាត់ខ្លួនជំរឹតជនជាតិចិនទារលុយ១លានដុល្លារ និងប្រើអំពើហិង្សាត្រូវបានបញ្ជូនខ្លួនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី១៣ ខែមករា ឆ្នាំ២០១៩ ។
ជនសង្ស័យជាជនជាតិចិន២នាក់មាន១- ឈ្មោះ លី ម៉ីង (LI MING) ភេទប្រុស អាយុ២៨ឆ្នាំ ២-ឈ្មោះ ពីង ស៊ីនហ៊ូ (PENG SHUZHOU) ភេទប្រុស អាយុ៣០ឆ្នាំ ដែលស្នាក់នៅកាស៊ីណូបូរីសានស៊ានហូ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបន្ទាយមានជ័យបានប្រាប់ថា នៅពេលឃាត់ខ្លួនជនសង្ស័យជាជនជាតិចិន គឺកម្លាំងកងរាជអាវុធហត្ថក្រុងប៉ោយប៉ែតបានទទួលពាក្យបណ្តឹងជនជាតិចិន៣នាក់មាន១- ឈ្មោះ ZHAO XIANG ភេទប្រុស អាយុ២៨ឆ្នាំ ២- ឈ្មោះ FENG YUMPENG ភេទប្រុស អាយុ៣១ឆ្នាំ ៣- ឈ្មោះ HOI KUE ភេទប្រុស អាយុ៤០ឆ្នាំ ដែលស្នាក់នៅក្នុងកាស៊ីណូបូរីសានស៊ានហូ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
បានប្តឹងជនសង្ស័យ២នាក់ខាងលើ ដែលធ្វើសកម្មភាពជំរឹតទារប្រាក់១.០០០.០០០ដុល្លារ និងប្រើអំពើហិង្សាទៅលើជនរងគ្រោះឈ្មោះ HOI KUE (ជាថៅកែចិន) និងជនរងគ្រោះ២នាក់ទៀត របួសស្រាលដែលប្រព្រឹត្ត កាលពីថ្ងៃទី០៤ ខែមករា ឆ្នាំ២០១៩ នៅក្នុងកាស៊ីណូបូរីសានស៊ានហូ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
លោកវរសេនីយ៍ឯក ម៉ែន ភិរម្យ បានបញ្ជាក់ថា ក្រោយពេលទទួលពាក្យបណ្តឹងហើយ លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានដឹកនាំកម្លាំងជំនាញស្រាវជ្រាវ និងកំណត់មុខសញ្ញាឃាត់ខ្លួនជនសង្ស័យ២នាក់ កាលពីថ្ងៃទី១០ ខែមករា ឆ្នាំ២០១៩នៅចំណុចកាស៊ីណូបូរីសានស៊ានហូ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបានបញ្ជាក់ថា ក្រោយពេលឃាត់ខ្លួនជនសង្ស័យជាជនជាតិចិន២នាក់ដែលបានចោទប្រកាន់ពីជំរឹតទាលុយ១លានដុល្លារ និងប្រើអំពើហិង្សាលើជនរងគ្រោះដល់៣នាក់ត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ