រាជធានីភ្នំពេញ ៖ គណៈប្រតិភូអន្តរក្រសួងរបស់កម្ពុជានឹងចូលរួមបង្ហាញពីរបាយការណ៍នៃវិវត្តន៍ និងអនុវត្តន៍សិទ្ធិមនុស្ស និងបញ្ហាមួយចំនួនទៀត នៅក្នុងកិច្ចប្រជុំអង្គការសហប្រជាជាតិលើកទី៣ នៅចុងខែមករា ឆ្នាំ២០១៩នេះ ។ លោក…
រាជធានីភ្នំពេញ ៖ គណៈប្រតិភូអន្តរក្រសួងរបស់កម្ពុជានឹងចូលរួមបង្ហាញពីរបាយការណ៍នៃវិវត្តន៍ និងអនុវត្តន៍សិទ្ធិមនុស្ស និងបញ្ហាមួយចំនួនទៀត នៅក្នុងកិច្ចប្រជុំអង្គការសហប្រជាជាតិលើកទី៣ នៅចុងខែមករា ឆ្នាំ២០១៩នេះ ។
លោក ជិន ម៉ាលីន អ្នកនាំពាក្យគណៈកម្មាធិការសិទ្ធិមនុស្សកម្ពុជាបានឲ្យដឹងនៅថ្ងៃទី១៣ មករា ថា គណៈប្រតិភូដែលដឹកនាំដោយលោក កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជានឹងចូលរួមកិច្ចប្រជុំលើកទី៣២ នៃក្រុមប្រឹក្សាសិទ្ធិមនុស្សរបស់អង្គការសហប្រជាជាតិស្តីពីកិច្ចប្រជុំពាក់ព័ន្ធ និងការត្រួតពិនិត្យឡើងវិញតាមការកំណត់ជាសកលលើកទី៣២ ដែលនឹង ប្រព្រឹត្តិទៅនៅថ្ងៃទី៣០ ខែមករា ឆ្នាំ២០១៩ខាងមុខនេះ ។
លោក ជិន ម៉ាលីន បានបញ្ជាក់ថា «កិច្ចប្រជុំភាគីកម្ពុជានឹងធ្វើការបង្ហាញពីរបាយការណ៍ការវិវត្តិន៍សិទ្ធិមនុស្សនៅកម្ពុជា ពិសេសនោះការវិវត្តន៍លទ្ធិប្រជាធិបតេយ្យ សិទ្ធិសេរីភាពរបស់ ប្រជាពលរដ្ឋ និងទិដ្ឋភាពនៃការអភិវឌ្ឍន៍របស់ប្រទេសកម្ពុជាជាដើម» ។ អ្នកនាំពាក្យរូបនេះក៏បានឲ្យដឹងថា កិច្ចប្រជុំរបស់អង្គការសហប្រជាជាតិដែលនឹងប្រព្រឹត្តិទៅនៅក្នុងទីក្រុងហ្ស៊ឺណែវប្រទេសហ្វីសនេះ ជាលើកទី៣ហើយ ដែលមានរយៈពេល៥ឆ្នាំម្តង ។
លោកបញ្ជាក់ថា«កាលពីឆ្នាំ២០១៤ កម្ពុជាយើងក៏បានចូលរួមកិច្ចប្រជុំនេះដែរ ហើយយើង បានបង្ហាញពីរបាយការណ៍ពាក់ព័ន្ធនៃការវិវត្តន៍លទ្ធិប្រជាធិបតេយ្យបង្ហាញសិទ្ធិមនុស្ស និងវិវ ត្តន៍របស់កម្ពុជា ។ ពេលនោះសមាជិករបស់អង្គការសហប្រជាជាតិក៏បានផ្តល់អនុសាសន៍ដើ ម្បីកែលម្អបង្ហាញសិទ្ធិមនុស្សនៅកម្ពុជា ។ អីញ្ចឹង៥ឆ្នាំក្រោយយើងត្រូវទៅម្តងទៀត គឺលើកទី៣ ត្រូវថ្ងៃ៣០ មករា ២០១៩» ។
លោក ជិន ម៉ាលីនក៏បានឲ្យដឹងថា ការចូលរួមប្រជុំលើកទី៣ របស់កម្ពុជានេះក៏ដើម្បីបង្ហាញពីចំណុចដែលសមាជិកអង្គសហប្រជាជាតិផ្តល់អនុសាសន៍នៅក្នុងកិច្ចប្រជុំឲ្យកាលពីកិច្ចប្រជុំលើកទី២ កន្លងមកផងដែរ ។ លោកបន្ថែមថា «គណៈប្រតិភូ និងបង្ហាញពីរបាយការណ៍ពីការវិវត្តន៍តាមការកំណត់ជាសកល ដែលយើងហៅថា UPR ពាក់ព័ន្ធទៅនឹងទិដ្ឋភាពអំពីការវិវត្តន៍ និងអនុវត្តន៍សិទ្ធិប្រជាធិបតេយ្យនៅកម្ពុជាជូនទៅសមាជិកអង្គការសហប្រជាជាតិ» ។
ប៉ុន្តែរាល់អានុសាសន៍ទាំងនោះក៏ត្រូវបានពិនិត្យផងដែថា អនុសាសន៍ណាកម្ពុជាធ្វើ និងអនុសាសន៍ណាឆ្លើយតបនឹងស្ថានភាពជាក់ស្តែងរបស់កម្ពុជា ។ សម្រាប់អនុសាសន៍នេះនឹងត្រូវបង្ហាញនៅរយៈពេល៥ឆ្នាំក្រោយទៀតពាក់ព័ន្ធនឹងអនុសាសន៍ទាំងនោះផងដែរ ។ យ៉ាងណាក្តីបើតាមការអះអាងរបស់អ្នកនាំពាក្យដដែលបានឲ្យដឹងថា កិច្ចប្រជុំនៅអង្គការសហប្រជាជាតិមិនពាក់ព័ន្ធនឹងការដកអនុគ្រោះពន្ធរបស់សហភាពអ៊ឺរ៉ុបមកលើកម្ពុជានោះទេ គឺគេនឹងលើកយកករណីដែលពាក់ព័ន្ធនឹងសិទ្ធិសេរីភាព ប្រជាធិបតេយ្យ នីតិរដ្ឋនៅកម្ពុជា និងស្ថានភាពនៃកាអភិវឌ្ឍន៍នៅកម្ពុជាកាលពេលកន្លងមក ។ លោកបន្ថែមថា កិច្ចប្រជុំនោះនឹងត្រូវចូលរួមពីបណ្តាប្រទេសដែលជាសមាជិកទាំងអស់ ដើម្បីរាយការណ៍ពីរការវិវត្តន៍នៃស្ថានភាពសិទ្ធិមនុស្សរបស់ខ្លួន ។
សូមជម្រាបថាតំណាងក្រសួងដែលនឹងចូលរួមកិច្ចប្រជុំរួមមានក្រសួងការបរទេស ក្រសួ ងមហាផ្ទៃ ក្រសួងការងារ និងបណ្តុះបណ្តាលវិជ្ជាជីវៈ ក្រសួងសង្គមកិច្ច និងក្រសួងយុត្តិធម៌ ។ កម្ពុជាចូលរួមកិច្ចប្រជុំនៅអង្គការសហប្រជាជាតិ ដើម្បីបង្ហាញពីបង្ហាសិទ្ធិមនុស្សនេះលើកទី១កាលពីឆ្នាំ២០០៩ លើកទី២ នៅឆ្នាំ២០១៤ និងលើកទី៣ ឆ្នាំ២០១៩ ៕
ចែករំលែកព័តមាននេះ