រាជធានីភ្នំពេញ ៖ លោក សម រង្ស៊ី អតីតប្រធានគណបក្សសង្គ្រោះជាតិបានអះអាងថា លោក កុកសមេក្រុមម៉ុងតាញ៉ា ដែលខ្លួនធ្លាប់ចុះហត្ថលេខារឿងកាត់ទឹកដីរបស់កម្ពុជា៤ខេត្ត ឲ្យបានទទួលមរណភាពហើយ…
រាជធានីភ្នំពេញ ៖ លោក សម រង្ស៊ី អតីតប្រធានគណបក្សសង្គ្រោះជាតិបានអះអាងថា លោក កុកសមេក្រុមម៉ុងតាញ៉ា ដែលខ្លួនធ្លាប់ចុះហត្ថលេខារឿងកាត់ទឹកដីរបស់កម្ពុជា៤ខេត្ត ឲ្យបានទទួលមរណភាពហើយ ។
លោក សម រង្ស៊ី បានសរសេរក្នុងអាខោនធ្វីតធើរបស់លោក កាលពីថ្ងៃទី១០ មករា ឆ្នាំ២០១៩ អំពីមរណរបស់លោក កុកស នៃមេដឹកនាំជនជាតិម៉ុងតាញ៉ានៅភូមិភាគកណ្ដាល នៃយៀកណាម បានទទួលមរណភាព នៅរដ្ឋ North Carolina, USA ។ ក្នុងសំណេរក្នុងអាខោនធ្វីតធើរបស់លោក សម រង្ស៊ី លោកបានទទួលស្គាល់ថា ពួកម៉ុងតាញ៉ា ជាពួកនៅភូមិភាគកណ្ដាលនៃយៀកណាមប្រាកដ ។
លោក សម រង្ស៊ី បានសរសេរដូច្នេះ«1/6 I learnt of the death of my friend Kok Ksor with huge sadness. Kok Ksor was a great leader of the Degar, an oppressed indigenous people from the highlands of central Vietnam. The French call them the Montagnards.” ។ លោក សុខ សុគន្ធ អ្នកវិភាគនយោបាយនៅក្រៅប្រទេសបានលើកឡើងថា បន្ទាប់ម ក លោក សម រង្ស៊ី ប្រឹងរម្លឹក ដើម្បីយកខ្លួនគាត់ថា បានធ្វើត្រូវនៅពេលគាត់បានចុះហត្ថលេខាជាមួយក្រុមលោក កុកស នៅឆ្នាំ២០១៣ លើអ្វីដែលសម រង្ស៊ី ប្រឹងនិយាយយកត្រូវថា ក្រុម កុកស ជាពួករស់នៅក្នុងដែនកម្ពុជា ។
នេះជារឿងផ្ទុយពីការពិតដែលពួកម៉ុងតាញ៉ា គឺជាពួករស់នៅឯដែនកណ្ដាលនៃយៀកណាម ។ លោកបញ្ជាក់ថា «យើងនៅចងចាំ និងនៅតែឆ្ងល់ដដែលថា លោក សម រង្ស៊ី មាននយោបាយអាថិ៍កំបាំងអ្វីជាមួយពួកម៉ុងតាញ៉ា …. ចម្ងល់នេះគេចទៅបាត់មិនបានទេ ព្រោះជារឿងទាក់ទងនឹងដំណើរលោក សម រង្ស៊ី ទៅកាន់ប្រទេសយៀកណាម ។
សូមជម្រាបថា ការបង្ហាញជាសាធារណនៃការទទួលមរណភាពលោក លោក កុក ស មេដឹកនាំជនជាតិដើមភាគតិច Dgar (ម៉ុងតាញ៉ា ) នេះខណៈដែលនៅឆ្នាំ២០១៨កន្លងមកមាន ការបែកធ្លាយនូវឯកសារ និងវីឌីអូមួយដែលជាកិច្ចព្រមព្រៀងរវាងលោក សម រង្ស៊ី និងលោក កុក ស កាលពីឆ្នាំ២០១៣ នៅប្រទេសហ្វ៊ីលីពីន ដោយមានចុះហត្ថលេខាព្រមព្រៀងផ្តល់ខេត្ត រតនគិរី មណ្ឌលគិរី ស្ទឹងត្រែង ក្រចេះ របស់ខ្មែរទៅឲ្យក្រុមជនជាតិម៉ុងតាញ៉ាវៀតណាមរស់នៅពេលគណបក្សប្រឆាំងឈ្នះឆ្នោតដឹកនាំប្រទេស ។
នៅពេលបែកធ្លាយរឿងចុះហត្ថលេខាកាត់ទឹកដីចំនួន៤ខេត្តនេះ ត្រូវមានមន្ត្រីជាន់ខ្ពស់ រដ្ឋាភិបាលកម្ពុជាបានប្រតិកម្មថា ទង្វើរបស់លោក សម រង្ស៊ី ជាអំពើផ្ទុយពីច្បាប់ផ្ទុយពីរដ្ឋធម្មនុញ្ញកម្ពុជា ដែលកាលនោះក្នុងនាមជាប្រធានគណបក្សធំនៅកម្ពុជា និងជាតំណាងរាស្ត្របែជាសន្យាបែរនេះទៅវិញ ៕
ចែករំលែកព័តមាននេះ