ខេត្តបាត់ដំបង ៖ តាមសេចក្តីរាយការណ៍បឋមបានឲ្យដឹងថា រថយន្តម៉ាកឡិចស៊ីស Rx-330 មួយគ្រឿងបានបែកកង់ក្រឡាប់ពេលកំពុងធ្វើដំណើរ បណ្ដាលឲ្យស្លាប់ម្នាក់ រីឯអ្នករួមដំណើរ៦នាក់ទៀតបានរងរបួសធ្ងន់ និងស្រាល ដែលកើតឡើងនៅម៉ោង៨យប់ ថ្ងៃទី១២ មករា នៅចំណុចភូមិបឹងរាំង ឃុំបឹងរាំង ស្រុកកំរៀង ។
សេចក្តីរាយការណ៍បានបន្តថា នេះបើតាមសេចក្ដីរាយការណ៍របស់សមត្ថកិច្ច ។ សមត្ថកិច្ចបានឲ្យដឹងថា ភ្លាមៗនោះគេមិនទាន់ស្គាល់អត្តសញ្ញាណជនរងគ្រោះទាំងអស់នោះនៅឡើយទេ ។ ពួកគេជិះរថយន្តម៉ាកឡិចស៊ីស Rx- 330 ពណ៌ទឹកប្រាក់ ពាក់ផ្លាកលេខភ្នំពេញ 2AV-3572 ។
សមត្ថកិច្ចបានប្រាប់ថា រថយន្តនេះបានបែកកង់ពេលកំពុងធ្វើដំណើរ ហើយក្រឡាប់ដោយខ្លួនឯងតែម្ដង ។ ដោយហេតុការណ៍នេះបានធ្វើឲ្យមនុស្សម្នាក់ស្លាប់ភ្លាមៗ និងចំនួន៣នាក់រងរបួសស្រាល រីឯចំនួន៣នាក់ទៀតរងរបួសធ្ងន់ ហើយត្រូវបានសមត្ថកិច្ចជួយបញ្ជូនទៅសង្គ្រោះនៅមន្ទីរពេទ្យនៃប្រទេសថៃផងដែរ ៕
ចែករំលែកព័តមាននេះ