តាមប្រភពពី Shanghaiist បានឱ្យដឹងថា មានមន្ត្រីគយជាន់ខ្ពស់ក្នុងក្រុង Dalian ប្រទេសចិនម្នាក់ ត្រូវបានទទួលការស៊ើបអង្កេត ក្រោយពីមានការចោទប្រកាន់ថា ជួយស្រីៗដែលជាអ្នករត់ពន្ធឥវ៉ាន់ប្រណីតៗចូលក្នុងប្រទេស ជាថ្នូរនឹងការដេករួមភេទគ្នា ។
លោក Guan Zhaojin អាយុ៣៧ឆ្នាំ ត្រូវបានរាយការណ៍ទៅកាន់ការិយាល័យគយក្រុង Dalian កាលពីខែសីហា ដោយប្រពន្ធរបស់ខ្លួន ដែលទាន់ពេលប្តីកំពុងផិតក្បត់ជាមួយស្រីផ្សេង និងរកឃើញវីដេអូអាសអាភាសលើវ៉េបសាយ ដែលតួប្រុស គឺជាលោកផ្ទាល់តែម្តង ។ វីឌីអូនោះ ថតដោយស្រីដែលលោក Guan យកទៅដេកជាមួយ។ នាងបានថតពេលលោកកំពុងឈរស្លៀកលីអូ និងនិយាយសារភាពថា បានដេកជាមួយស្រីច្រើនរួចមកហើយ។
ប្រពន្ធដែលកំពុងមានចិត្តក្តៅដូចភ្លើងឆេះ បានដាក់ពាក្យប្តឹងប្តីរបស់ខ្លួន ពីបទក្បត់ទៅដេកជាមួយស្រីផ្សេងយ៉ាងហោចណាស់១៤នាក់ ដែលសុទ្ធតែជាអ្នកទិញឥវ៉ាន់ពីក្រៅ មករត់ពន្ធនៅចិន និងទទួលសំណូកពីមហាជន ។ លោក Guan ត្រូវបានព្យួរពីកន្លែងការងារ ខណៈដែលអង្គភាពកំពុងធ្វើការស៊ើបអង្កេតលើករណីរបស់លោក។ សម្រាប់លោកផ្ទាល់ លោកនៅតែប្រកែកថា មិនដឹងរឿងអ្វីទាំងអស់ ៕
ចែករំលែកព័តមាននេះ