រាជធានីភ្នំពេញ ៖ ជនសង្ស័យជាចោរឆក់កាបូប២នាក់ ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួន និងបញ្ជូនទៅតុលាការ កាលពីព្រឹកថ្ងៃទី១២ មករា នេះ ដើម្បីធ្វើការសាកសួរ និងចោទប្រកាន់តាមនីតិវិធី…
រាជធានីភ្នំពេញ ៖ ជនសង្ស័យជាចោរឆក់កាបូប២នាក់ ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួន និងបញ្ជូនទៅតុលាការ កាលពីព្រឹកថ្ងៃទី១២ មករា នេះ ដើម្បីធ្វើការសាកសួរ និងចោទប្រកាន់តាមនីតិវិធី ។
ជនសង្ស័យម្នាក់ឈ្មោះ សួស ឡុង ភេទប្រុសអាយុ១៨ឆ្នាំ មុខរបរមិនពិតប្រាកដ ស្នាក់នៅក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ និងម្នាក់ឈ្មោះ គឹម បញ្ញា ភេទប្រុស អាយុ២០ឆ្នាំ ស្នាក់នៅផ្ទះជួល ផ្លូវលេខ៣៧១ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ។ ចំណែកជនរងគ្រោះក្នុងអំពើឆក់នេះមាន ឈ្មោះ លឹម អេង ភេទស្រី អាយុ៥៧ឆ្នាំ មុខរបរលក់ដូរ មានទីលំនៅផ្ទះលេខ៩៥ ផ្លូវលេខ៣២០ សង្កាត់បឹងកេងកង៣ ខណ្ឌចំការមន រាជធានីភ្នំពេញ ។
លោកវរសេនីយ៍ឯក ប៊ុន សត្យា បានឲ្យដឹងថា កាលពីវេលាយប់ថ្ងៃទី០៩ មករា មានអំពើឆក់កាបូបយួដៃមួយករណី បានកើតឡើង លើស្ត្រីម្នាក់ នៅចំណុចខាងមុខផ្ទះលេខ៨១ ផ្លូវលេខ២៤៧ ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ ។ អំពើឆក់នោះជនសង្ស័យដែលជាចោរ បានព្យាយាមរត់គេចខ្លួន តែទៅដល់ចំណុចក្នុងភូមិចំរើនផល សង្កាត់បឹងទំពុនទី១ ខណ្ឌមានជ័យ ទើបត្រូវកម្លាំងល្បាត ពួនស្ទាក់ របស់ការិយាល័យព្រហ្មទណ្ឌកម្រិតស្រាល ដេញតាមចាប់ខ្លួនបាន ។
លោក ប៊ុន សត្យា បន្តថា នៅពេលចាប់ឃាត់ខ្លួនជនសង្ស័យ សមត្តកិច្ចបានធ្វើការដកហូតមាន ៖ ១.ម៉ូតូម៉ាក Honda C125 ពណ៌ក្រហម ស៊េរីឆ្នាំ២០១៨ ពាក់ផ្លាកលេខភ្នំពេញ1HF-9681 មួយគ្រឿង ២.កាបូបយួរដៃម៉ាក PRADA ពណ៌ខ្មៅ១ ៣.ទូរសព្ទ័ដៃ២គ្រឿង ម៉ាក iPhone 6 Plus ពណ៌ទឹកប្រាក់ និងម៉ាក NOKIA ពណ៌ខៀវ១គ្រឿង ៤.ប្រាក់ដុល្លារចំនួន១៩ ដុល្លារអាមេរិក ប្រាក់រៀលចំនួន១៥,០០០ រៀល និង គ្រឿងអលង្កាធ្វើពីលោហធាតុ ពណ៌លឿងស្លេក(កាឡៃ) មួយចំនួនទៀត មានចិញ្ចៀន ខ្សែក និង ខ្សែដៃដាំត្បូងចម្រុះពណ៌ ។
ក្រោយពីឃាតខ្លួនជនសង្ស័យទាំង២នាក់ និងវត្ថុតាងត្រូវបានកម្លាំងសមត្តកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ