ចាង ម៉ី បរាជ័យជីវិតគូ តែជោគជ័យអាជីពកប់ពពក
ថ្វីបើជីវិតអាពាហ៍ពិពាហ៍របស់នាងចាង ម៉ី (Yang Mi) តារាភាពយន្តចិនដ៏ល្បីបរាជ័យ ដោយលែងលះប្ដីលោកលីវ ខាយវ៉ី (Liu Kaiwei) ប៉ុន្តែស្ថានភាពជីវិតរបស់នាងកំពុងស្ថិតក្នុងសភាពថ្កុំថ្កើង…
ថ្វីបើជីវិតអាពាហ៍ពិពាហ៍របស់នាងចាង ម៉ី (Yang Mi) តារាភាពយន្តចិនដ៏ល្បីបរាជ័យ ដោយលែងលះប្ដីលោកលីវ ខាយវ៉ី (Liu Kaiwei) ប៉ុន្តែស្ថានភាពជីវិតរបស់នាងកំពុងស្ថិតក្នុងសភាពថ្កុំថ្កើង ។ ក្រៅពីអាជីពសម្តែងនោះ សារព័ត៌មានរបស់ចិនផ្សាយថាបច្ចុប្បន្នក្រុមហ៊ុនផលិតកម្មរបស់ចាង ម៉ី មានតម្លៃខ្ពស់ដល់ទៅ៦៩៧លានដុល្លារ ។
ទស្សនិកជនចិនបានកោតសរសើរថានាងចាង ម៉ី ជាមនុស្សម្នាក់មានសម្រស់ស្រស់ស្អាត នៅក្នុងមជ្ឈដ្ឋានភាពយន្ត ។ ក្រុមហ៊ុនរបស់នាងចាប់ផ្ដើមបង្កើតក្នុងទឹកប្រាក់ប្រហែល២៥០លានយាន់ ហើយបានកើនខ្ពស់ដល់ទៅ២០ដងក្នុងរយៈពេលតែ៣ឆ្នាំ ។ នាងបានបង្កើតក្រុមហ៊ុនផលិតកម្មJaywalk Studios ក្នុងទឹកប្រាក់តែ២៥០លានយាន់ និងចាប់ផ្ដើមល្បីកើនខ្ពស់ដល់ទៅ៥.០០០លានយាន់ ឬ៦៩៧លានដុល្លារ ។
នៅក្នុងឆ្នាំ២០១៩នេះចាង ម៉ី មានស្នាដៃដ៏លេចធ្លោគឺរឿង«Legend of Fu Yao» និងមានទស្សនិកជនបើកមើលនៅក្នុងវេបសាយច្រើន ស្ថិតនៅលំដាប់ទី១ រហូតមានរហស្សនាមថា «រាជិនីឌីជីថល» ៕
ចែករំលែកព័តមាននេះ