ខេត្តបាត់ដំបង ៖ សំណុំរឿងលោកមេប៉ុស្តិ៍រដ្ឋបាលជ្រោយស្ដៅ ស្រុកថ្មគោល ប្រើប្រាស់អាវុធបាញ់គំរាមលោកមេឃុំ ដោយសារក្ដៅក្រហាយសុំលោកមេឃុំបើកល្បែងស៊ីសងមិនបាន ហើយត្រូវគេបិទស្ងាត់ឈឹងអស់រយៈពេល១ខែកន្លងទៅនេះ ពេលនេះត្រូវបានបែកធ្លាយបង្កឲ្យមានការភ្ញាក់ផ្អើលពេញស្នងការខេត្ត ខណៈលោកស្នងការរងទទួលបន្ទុកបុគ្គលិកបានប្រាប់កោះសន្តិភាពនៅព្រឹកថ្ងៃទី១១ ខែមករានេះថា…
ខេត្តបាត់ដំបង ៖ សំណុំរឿងលោកមេប៉ុស្តិ៍រដ្ឋបាលជ្រោយស្ដៅ ស្រុកថ្មគោល ប្រើប្រាស់អាវុធបាញ់គំរាមលោកមេឃុំ ដោយសារក្ដៅក្រហាយសុំលោកមេឃុំបើកល្បែងស៊ីសងមិនបាន ហើយត្រូវគេបិទស្ងាត់ឈឹងអស់រយៈពេល១ខែកន្លងទៅនេះ ពេលនេះត្រូវបានបែកធ្លាយបង្កឲ្យមានការភ្ញាក់ផ្អើលពេញស្នងការខេត្ត ខណៈលោកស្នងការរងទទួលបន្ទុកបុគ្គលិកបានប្រាប់កោះសន្តិភាពនៅព្រឹកថ្ងៃទី១១ ខែមករានេះថា ពេលនេះថ្នាក់ដឹកនាំកំពុងចាត់វិធានការតាមនីតិវិធីរបស់អង្គភាពហើយ។
ប្រភពពីមន្ត្រីស្រុកថ្មគោល បានឲ្យដឹងថា សំណុំរឿងលោកមេប៉ុស្តិ៍ជ្រោយស្ដៅ បាញ់គំរាមលោកមេឃុំជ្រោយស្ដៅនេះ បានកើតឡើងតាំងពីថ្ងៃទី១០ ខែធ្នូ ឆ្នាំ២០១៨ តែត្រូវគេព្យាយាមបិទមិនឲ្យបែកធ្លាយដល់អ្នកសារព័ត៌មានឡើយ។
ប្រភពបានឲ្យដឹងទៀតថា លោក ហែម សុផុន មេប៉ុស្ដិ៍រដ្ឋបាលជ្រោយស្ដៅ បានប្រើប្រាស់កាំភ្លើងរបស់គាត់បាញ់មេឃជាច្រើនគ្រាប់ ខណៈពេលស្រវឹងជោកជាំ ដែលគេសង្ស័យថា ជាសញ្ញាគំរាមកំហែងដល់លោក ហ៊ីន ណាគ្រី មេឃុំជ្រោយស្ដៅ ដោយសារមានវិវាទជាមួយគ្នា។
មន្ត្រីដែលសុំមិនប្រាប់ឈ្មោះរូបនេះ បានបញ្ជាក់ថា បើតាមព័ត៌មានខ្សិបតៗគ្នា មូលហេតុដែលនាំឲ្យលោកមេប៉ុស្តិ៍ក្ដៅក្រហាយ រហូតឈានដល់ទាញកាំភ្លើងបាញ់មេឃជាច្រើនគ្រាប់គំរាមលោកមេឃុំនេះ ដោយសារលោកមេប៉ុស្ដិ៍រូបនេះខឹងនឹងលោកមេឃុំ «មិនអនុញ្ញាតឲ្យបើកល្បែងស៊ីសង»។
ព័ត៌មានពិស្តារនឹងមានផ្សាយនៅកាសែតកោះសន្តិភាព
ចែករំលែកព័តមាននេះ