រាជធានីភ្នំពេញ ៖ ពិតជាមានឈាមជ័រសិល្បៈមែន ហើយក៏ជារឿងភ្ញាក់ផ្អើលមួយដែលកុមារី ជី ឈិងលីន នៅក្មេងមែនតែ តែបានសាងស្នាដៃសិល្បៈជាច្រើនគួរសមត្រឹមពេល៣ឆ្នាំប៉ុណ្ណោះ។ការពិត ឈិនលីន គឺជាចៅបង្កើតនាយកុយ…
រាជធានីភ្នំពេញ ៖ ពិតជាមានឈាមជ័រសិល្បៈមែន ហើយក៏ជារឿងភ្ញាក់ផ្អើលមួយដែលកុមារី ជី ឈិងលីន នៅក្មេងមែនតែ តែបានសាងស្នាដៃសិល្បៈជាច្រើនគួរសមត្រឹមពេល៣ឆ្នាំប៉ុណ្ណោះ។ការពិត ឈិនលីន គឺជាចៅបង្កើតនាយកុយ និងកូនបង្កើតរបស់តារាកំប្លែងនាយ កយ។
ជី ឈិងលីន ដែលមានវ័យ១៣ឆ្នាំ បានឲ្យដឹងថា ចេះសម្តែងតាំងពីអាយុបានជាង៩ឆ្នាំមកម្ល៉េះដោយពេញចិត្តតួបែបកាចឆ្នាស់ គឺចូលតួលឿន។ នាងតូចរូបនេះបន្តថា ចេះសម្តែងមកពីឧស្សាហ៍តាមដានសិល្បៈពេលឃើញរៀមច្បងសម្តែង។ ម្យ៉ាងឃើញលោកតា កុយ និងប៉ា កយ សម្តែងគឺកាន់តែស្រឡាញ់។
ចៅតាកុយ បានឲ្យដឹងទៀតថា តា និងលោកប៉ា គាត់មិនចង់ឲ្យសម្តែងសិល្បៈទេ គាត់ហាមដែរ ប៉ុន្តែដោយសារតែយើងនៅតូចណាមួយរៀននៅទាប ទើបថ្នាក់ទី៨ ដោយចង់ឲ្យមានចំណេះច្រើនសិន ទើបងាយរកការងារ។
យ៉ាងណាម៉ិញពេលដឹងថា ចៅ និងកូនរបស់ខ្លួនសម្តែងបាន គាត់ទាំង២បើកផ្លូវ ហើយឲ្យគោរពការងារ គោរពវិន័យ គោរពពេលវេលា ចេះឱនលំទោនចាស់ទុំ កុំឆ្មើងឆ្មៃ ហើយខំរៀនសម្តែង រៀនតាមរៀមច្បងយកចំណុចល្អៗ។
កុមារី ជីង ឈិងលីន និយាយពីតួកាចនាងចង់ក្លាយជាតួឆ្នាស់ឆ្នើមដូចអ្នកនាង ស្វែង សុជាតាឬលី ច័ន្ទសីហា។ កុមារីរូបនេះក៏ចេះច្រៀង ហើយត្រេមុខនាងផលិតករតារាសិល្បៈថា កាចសមណាស់។ នាងតូចនេះ បានថតរឿងភាគល្បីៗតាមកញ្ចក់ទូរទស្សន៍ធំៗដូចជា រឿង «ផ្កាថ្ម» រឿង «រវាងយើង» និងរឿង «ភរិយាឥតខាន់ស្លា» ជារឿងមហាជនតាមដាន៕
ចែករំលែកព័តមាននេះ